Президент Жолдауы- дамудың тірегі

Президенттің жыл сайынғы халыққа Жолдауы- еліміз үшін маңызды саяси оқиғалардың бірі. Елбасы биылғы жолдауында барлық сала бойынша сөз қозғады. Соның ішінде қазақстандықтардың әл- ауқатының өсуі, табыс пен тұрмыс сапасын арттыруы маңызды рөл атқарады. Атап айтқанда: 1) Үкіметке 2019 жылдың 1 қаңтарынан бастап ең төменгі жалақыны 1,5 есе, яғни, 28 мыңнан 42 мыңға дейін өсіруді тапсыруы; 2) 5 жыл ішінде білім, ғылым, денсаулық сақтау салаларына барлық көздерден жұмсалатын қаражатты ішкі жалпы өнімнің 10 пайызына дейін жеткізу қажеттігі; 3) Назарбаев Зияткерлік мектептерінің оқыту  жүйесі мен әдістемесі мемлекеттік мектептер үшін бірыңғай стандарт болуға тиістігі. 4) Мектептерде  үш ауысымда оқытуы және апат жағдайында болуы мәселелерін шешу үшін Үкіметке 2019-2021 жылдарға арналған бюджеттен қосымша 50 миллиард теңге қарастыруды тапсырғандығы; 5) Назарбаев Университетінің үлгісімен өңірлік жаңа жоғарғы оқу орынын  құру қажеттігі; 6) 2019 жылы «Педагог мәртебесі туралы» заңды әзірлеп, қабылдауды тапсыруы; 7) 2019 жылдың 1 қаңтарынан бастап ауруларды емдеу ісін басқарудың жаңа тәсілдерін енгізген учаскелік медицина қызметкерлерінің жалақысын  кезең- кезеңмен  20 пайызға көбейтуді тапсыруы; 8) Үкіметке және әкімдерге кем дегенде 100 дене шынықтыру- сауықтыру кешенін салуды тапсыруы; 9) Полиция қызметкерлерінің жаңа стандартын бекітіп, қызметкерлердің бәрі қайта аттестациялаудан өтуге тиіс екендігі; 10) Үкіметтегі, мемлекеттік органдардағы ұзақ отырыстар мен кеңестердің санын азайтып, құжат айналымын ретке келтіру керек екендігі; 11) Келесі жылды «Жастар жылы» деп жариялауды ұсынуы; 12)  «Ауыл- ел бесігі» жобасы аясында өңірлердегі еңбекке қатысты идеологияны ілгерілетуді қолға алу керектігі; 13) «Өз жеріңді танып біл»  жаңа бастамасы аясында еліміздің өңірлері бойынша жаппай мектеп туризмін қайта жаңғырту керектігін нақты қадап айтуында  үлкен мән- мағына бар.

Мемлекет басшысының алға қойған мақсаттарын сапалы орындау баршамыздың міндетіміз. Мығымы бекем елдің болашағы жастардың қолында. Біздер үшін жасалған жағдай мен артқан сенімді ақтауға тиіспіз. Ендігі біздің басты міндетіміз осы Жолдауды халыққа дұрыс насихаттау, түсіндіру жұмыстарын жүргізу

Жұлдыз Уркенбаева

Кербұлақ аудандық

Әділет басқармасының инспекторы, Қазақстан        

заңгерлер одағының мүшесі.