Латын әліпбиі – рухани жаңғырудың негізі

Е л б а с ы м ы з
Н.Ә.Назарбаев өзінің кезекті
Жолдауларының бірінде:
«Біз алдағы уақытта да
мемлекеттік тілді дамыту
бағытындағы кешенді
жобаларды жүзеге асыруды
табандылықпен жалғастыра
береміз. Қазақ алфавитін
2025 жылға қарай латын
графикасына көшіруге
дайындық жұмысын осы
бастан қолға алу қажет.
Бұл қазақ тілін жаңғыртып
қана қоймай, оны осы заманға ақпараттың тіліне
айналдырады » деген болатын.
Тәуелсіз мемлекетіміз жылдан-жылға қарыштап,
өсіп-өркендеп, отандық ғылым-білім саласы дамып
келеді. «Латыншаға көшудің терең логикасы бар.
Бұл қазіргі заманғы технологиялық ортаның,
коммуникацияның, сондай-ақ, ХХІ ғасырдағы ғылыми
және білім беру үрдісінің ерекшеліктеріне байланысты»
— деп Елбасы айтқандай, латын әліпбиіне көшу –
заман талабы. Ал ғалымдарымыз осы қаріпті қолдану
арқылы әлемдегі ең дамыған өркениетті елдермен
тереземізді теңестіре аламыз деген пікір айтып, оның
тиімді тұстарын дәлелдеп бағуда. Ендігі кезекте, сол
ғалымдарымыздың жан-жақты еңбегі сараланып, түрлі
әдістемелік жұмыстар жүргізілетінін түрлі ақпарат
көздерінен оқып-біліп танысып жатырмыз.
Қазіргі уақытта осы латын әліпбиіне көшу – заман
талабы болғандықтан мекемелер мен ұйымдарда
әртүрлі іс-шаралар өтуде.
Осы орайда таяуда Сарыөзек ауылдық округі
әкімі аппаратының ғимаратында
«Алматы облысының мемлекеттік
архиві» коммуналдық мемлекеттік
мекемесінің Кербұлақ филиалының
ұйымдастыруымен «Латын әліпбиі
— рухани жаңғырудың негізі» атты
тақырыпта ауданның біраз мекеме
қызметкерлерінің қатысуымен көрме
ұйымдастырылды.
Іс шарада филиал архивисті А.
Тұяқбаева 1939-1943 жж. ауданның
білім бөлімі және 1936-1942 жж.
колхоздардың латын графикасындағы
сақталған құжаттар негізіндегі «Қазақ
әліпбиінің тарихи кезеңдері» атты баяндама оқып, көрме
құжаттарымен таныстырды.
Сонымен қатар, осы шарада Д. Қонаев атындағы
орта мектебінің кітапханашысы Саязханқызы
Нұрлыбаева латын әліпбиіне арнап шығарған «Жаңа
серпін» атты өлең жолдарын оқып берді.
Бұл іс-шара ел болашағы үшін қабылданғалы
отырған маңызды шешімге қолдау білдіру, жақсыны
үйренбекке ұмтылу – жүрегі «елім» деп соққан әрбір
қазақстандықтың абыройлы міндеті деп түсінемін.
Гулбану МАМИЕВА,
«Алматы облысының мемлекеттік архиві»
коммуналдық мемлекеттік мекемесі
Кербұлақ филиалының директоры.