Кербұлақ ауданы спорт саласы бойынша алдыңғы лекте

Кербұлақ ауданы спорт саласы бойынша алдыңғы лекте екенімізді мақтан етеміз. Әлемдік додалардан алтын жүлдені қанжығалап қайтатын спортшыларымыз ғана емес мәдениет саласының майталмандары да спорттан кенде емес. Қасиетті мекеннің өнерпаздары сүйріктей қолдарымен домбыра да тартып, қол да күрестіреді.
11 қыркүйек күні Талдықорған қаласы «Жастар» спорт сарайында Алматы облысының мәдениет, архивтер және құжаттама басқармасының ұйымдастыруымен салауатты өмір салты ұстанымын насихаттап, бұқаралық спортты дамыту, әріптестік қарым-қатынасты нығайту мақсатында мәдениет қызметкерлері арасындағы VІ облыстық спартакиада ойындары өткізілді. Жарыста 16 ауданнан командалар құрамалы қатысты. Мәдениет саласының мамандары спорттың футбол, волейбол, тоғызқұмалақ, шахмат, гир тасын көтеру, қол күресі, үстел теннисі түрлерінен сайысқа түсті.
Арыстарымыз І орынды жеңіп қайтты.
Жеңіс құтты болсын!