Бөлімдер есеп берді

Жуырда аудан әкімдігінде Қоғамдық Кеңес отырысы болып өтті.
Қоғамдық кеңес отырысына аудандық бөлімдердің, мекемелердің басшылары және бұқаралық ақпарат құралдарының өкілдері қатысты.
-Құрметті Қоғамдық кеңес мүшелері! Бүгінгі отырыстың күн тәртібіне Қазақстан Республикасының «Қоғамдық Кеңестер туралы» Заңының талаптарына сәйкес, «Аудандық білім бөлімінің І жартыжылдық бойынша атқарған жұмыстары туралы» және «Кербұлақ аудандық кірістер басқармасының І жартыжылдық бойынша атқарған жұмыстары туралы» мәселелер қаралғалы отыр, — деген Қоғамдық Кеңестің төрағасы Сарыбаев Төленді Оспанбайұлы күн тәртібімен таныстырып, жұмыс регламентін бекітті.
Күн тәртібіндегі «Кербұлақ аудандық кірістер басқармасының І жартыжылдық бойынша атқарған жұмыстары туралы» есебін аудандық кірістер басқармасының басшысының орынбасары Атайбекова Гүлзира Рахметоллақызы жасады. Есеп беруші Қоғамдық Кеңес мүшесі Айнабеков Марат Нұрмуханұлы тарапынан қойылған сұрақтарға тұщымды жауап берді.
«Аудандық білім бөлімінің І жартыжылдық бойынша атқарған жұмыстары туралы» күн тәртібіндегі екінші сұрақ бойынша аудандық білім бөлімі басшысының міндетін атқарушы Құтпанбаева Зарина Болатқызы есеп берді.
Қаралған мәселелерді талқылауға қатысқан аудандық қоғамдық кеңестің мүшелері Бөкен Қабиұлы Рысбеков, Айнабеков Марат Нұрмуханұлы, Ақбасова Ғалия Ниязқызы, Ербосынов Амантай Түлкібайұлы өз ойларын ортаға салып, білгендерімен бөлісті.
2015 жылғы 2 қарашадағы Қазақстан Республикасының «Қоғамдық кеңестер» туралы Заңының беретін өкілеттігі шеңберінде ауданның Қоғамдық кеңесі шешім қабылдап, аудандық білім бөлімі мен аудандық Кірістер басқармасының І жартыжылдық бойынша жасаған жұмыстарына қанағаттанарлық деген баға берді.
Өз тілшіміз