Айбынды – менің жастарым!

Келешегіміздің келбетті, болашағымыздың баянды болуы бү¬гінгі жастарға тікелей байланыс¬ты. Өйткені олар – ертеңімізді жасайтын бүгініміз. Жастарға де¬ген үлкен сенім мен зор үміттің артылатыны бесенеден белгілі. Елдің қуаты мен қозғаушы күші де – осы жастар. Сондықтан да жастардың сапалы білім, саналы тәлім-тәрбие алып, саламатты болып өсуі – мемлекеттік саясаттың басым бағыттарының бірі.
Ұлт көшбасшысы, Елбасы Нұрсұлтан Әбішұлы Назарбаев біздерге, жастарға, ерекше сенім арта отырып, жастардың жағдайын жасауға баса назар аударады. Ел президентінің жыл сайынғы Жолдауларының басым бағыттары жастармен тікелей байланысты болуы, кезкелген мемлекеттік маңызы бар стратегиялар мен мақалаларында, сөздерінде әркез өскелең ұрпақты тілге тиек етуі – соның айқын дәлелі.
Елбасының салиқалы саясатын қолдау мақсатында ағымдағы жылдың 25-26 тамыз күндері аралығында өскелең жас ұрпаққа, жас жеткіншектердің бойына қазақстандық патриотизмге негізделген көзқарас, әскери дағды қалыптастыру, бәсекеге қабілетті жас тұлғаны жетілдіру және әскери – патриоттық, интернационалдық тәрбие беру мақсатында Алматы облысының жастар саясаты мәселелері басқармасы, Алматы облысының жастар ресурстық орталығы мен Кербұлақ ауданының жастар ресурстық орталығының ұйымдастыруымен облыстық «Айбын» әскери-патриоттық, спорттық жарыс ойыны өткізілді. Аталған жарысқа облысымыздан 13 аудан мен 2 қаланың жастары қатыстырылды. Жарысқа жалпы 80-ге жуық жастар жұмылдырылды.
«Айбын» әскери-патриоттық, спорттық жарыс ойынының ашылу салтанатына қатысушыларды №12740 әскери бөлімінің командирі полковник Айдос Аскарбекұлы, Алматы облысының жастар ресурстық орталығының директоры Байкамитов Жандос Бауыржанұлы, Кербұлақ ауданы әкімінің орынбасары Болысбай Тоғысбайұлы Момбаев, Кербұлақ ауданының жастар ресурстық орталығының жетекшісі Алмас Мыңбаев және аудан жастары ыстық ықыласпен, қошеметпен ауданымыздың кірме жолынан қарсы алды.
Аудан әкімінің орынбасары Б.Момбаев келген қонақтарға өзінің ыстық ықыласын білдіріп, келген қадамдарына сәттілік тілеп, аудан әкімі М.Бигелдиевтің сәлемін жеткізді.
Аудан әкімінің орынбасары Б.Момбаев жарысқа сап түзеп келген жалынды жастарды бүгінгі әскери патриоттық, спорттық ойынның басталуы мен шын жүректен құттықтап, алдағы бәсекеде жеңіске жетулеріне сәттілік тіледі. Екінші болып сөз алған Алматы облысының жастар ресурстық орталығының директоры, «Жас Отан» ЖҚ облыстық филиалының төрағасы Ж.Байкамитов қатысушы үміткерлерге ойын ережесін түсіндіріп, өз тарапынан қатысушылар сәт-сапар тіледі.
Бірінші күні сап түзеу, шеппен жүріп өтсе, содан кейін полигонға апарып сарбаздар өмірімен танысып қайтты.
Екінші күні спорттың кермеге тартылу, эстафета, арқан тартыс, АРД түрлерінен жарыс өткізілді. Жарыс қорытындысы бойынша Еңбекшіқазақ ауданы І орынды иеленсе, Кербұлақ ауданы арқан тартыстан І-ші, АРД-дан ІІ-ші, кермеге тартылудан ІІІ-ші орындарды иеленіп, эстафедан Көксу ауданы ІІІ-ші орынды иеленді.
Сыннан сүрінбей өтіп, азаматтық борыштарын абыроймен ақтап, елінің (ауданының) аманатын ақтай білген жастар бағалы сыйлықтармен, мақтау қағаздарымен марапатталды.
Жарысқа қатысушы жастар, байламды бәсекеден соң көңілді күймен тарқасты.
Алмас МЫҢБАЕВ,
Аудандық жастар ресурстық орталығының басшысы