Бос жұмыс орындары жәрмеңкесі

Таяуда аудандық Ә.Сарыбаев атындағы Мәдениет үйінде мүмкіндігі шектеулі жандарға және жұмыссыз азаматтарға арналған мезгілдік бос жұмыс орындары жәрмеңкесі өтті. Бос жұмыс орындары жәрмекеңкесіне аудан әкімінің орынбасары Момбаев Болысбай Тоғысбайұлы, аудандық «Атамекен» кәсіпкерлік палатасының директоры Тастанбеков Болат Батырбекұлы, аудандық іскер әйелдер кеңесінің төрайымы жеке кәсіпкер Әміреева Күлсара Сатанқызы, жеке кәсіпкер «Анар и К» жауапкершілігі серіктестігінің басшысы Қожабеков Бауыржан Ырымтайұлы, округ әкімдері, аудандық мекемелер мен қоғамдық бірлестіктер басшылары, ауыл шаруашылық қызметкерлері, аудан тұрғындары еңбекке жарамды жастағы мүмкіндігі шектеулі тұлғалар қатысты. Марапаттау және алғашқы сөз аудан әкімінің орынбасары Болысбай Тоғысбайұлына берілді:
— Осы жәрмеңкеге бос жұмыс орындарын ұсынып отырған мекемелер мен кәсіпорын басшыларына үлкен алғысымызды білдіреміз. Жұмыс табуға үмітін үкілеп келген жұмыс іздеуші және мүмкіндігі шектеулі азаматтар мен азаматшалар, бүгінгі өткізіліп отырған іс-шарада өздеріңізді жұмыспен қамту жоспарланған. Сол себепті сіздерге бүгін болашақта қажетті мамандықтар таңдауға және лайықты жұмыс табуға тілектеспін,-деп сөзін аяқтады. Үздік жұмыс беруші номинациясы бойынша «Нәтижелі жұмыспен қамту және жаппай кәсіпкерлікті дамытудың 2017-2021 жылдарға арналған бағдарламасының бағыттарына қатысып жұмыссыз азаматтарды жұмыспен қамтығандары үшін аудан әкімінің Алғыс хатымен «Риза май» жауапкершілігі шектеулі серіктестігінің басшысы Бегимханов Ержан Жұпанұлы, осындай үздік номинация бойынша «Анар и К» жауапкершілігі шектеулі серіктестігінің басшысы Қожабеков Бауыржан Ырымтайұлы, жеке кәсіпкер Рахымбаева Клара Рахымбекқызы, Шатабаева Гүлназ Төлеуханқызы, «Айсана» бөбекжай балабақшасының басшысы Дәулетбекова Жаңагүл Абдуллақызы, Қызылжар ауылдық округі әкімі аппаратының бас маманы Баубеков Бауыржан Такенұлы, Басши ауылдық округі әкімі аппаратының бас маманы Байсұлтанова Алма Такенқызы, Жайнақ ауылдық округі әкімі аппаратының бас маманы Керимбаева Меруерт Төлегенқызы, Қоғалы ауылдық округі әкімінің бас маманы Несипбаева Жәзира Куздукбайқызы, аудандық пробация бөлімінің аға инспекторы Оңалбаев Мақсат Отарбекұлы марапатталды.
Сонымен қатар «Атамекен» кәсіпкерлік палатасының директоры Болат Тастанбеков, аудандық іскер әйелдер кеңесінің төрайымы жеке кәсіпкер Күлсара Әміреева, жеке кәсіпкер «Анар и К» жауапкершілігі шектеулі серіктестігінің басшысы Қожабеков Бауыржан Ырымтайұлы бос жұмыс орындарын ұсынып отырған мекемелер мен кәсіпорын басшыларына, марапатталған қызметкерлерге алғыстарын, жұмыс іздеуші азаматтар мен азаматшаларға өткізіліп отырған іс-шарада өздеріне тиесілі жұмыстың табылуына тілектес екендерін жеткізді.
Мезгілдік бос жұмыс орындары жәрмеңкесінің жүргізушісі Дәуренбекова Әсел Амантайқызы білімді және тәжірибелі маман қажет болған жағдайда, аудандық жұмыспен қамту орталығына жүгіну керектігін, қысқа мерзімдік кәсіптік оқуға барам дейтін азаматтар мен азаматшалар және жоғарғы және орта оқу орындарын бітіріп келген жас түлектер жұмыспен қамту орталығының мамандарына тіркелу керектігін жеткізді.
Дидар ДИХАНБАЕВ.