Бағалай білгенге бақ дариды…

Баспасөз күніне орай, аудан әкімі Махаббат Сәдуақасұлы
Бигелдиев аудандық «Кербұлақ жұлдызы» газетінің ұжымын
қабылдап, құттықтады.
Аудан әкімі: «Құрметті аудандық «Кербұлақ жұлдызы»
газетінің ұжымы! Сіздерді бұқаралық ақпарат құралдары
күнімен құттықтаймын! Газет қашанда халықтың ой-өресін,
рухани өрісін кеңейтетін қажетті құрал екені даусыз. Осындай
киелі де қасиетті шығармашылық ортада еңбек етіп,
халықтың көңілінен шығып жүрген сіздерге зор денсаулық,
отбастарыңызға бақыт пен шаттық, ұзақ ғұмыр тілеймін.
Еңбектеріңіз жемісті де жеңісті бола беруіне, әрқашан
биіктерден көрінулеріңізге шын жүректен тілектестігімді
білдіремін. Кәсіптік мерекелеріңіз құтты болсын!» деп
құттықтап, ұжымға фотоаппарат алуға жүз елу мың теңге
сыйға ұсынды.
Бұдан соң аудандық мәслихаттың төрағасы Б.Рысбеков
құттықтап, ізгі ниетін білдірді. Аудан әкімі аудандық газеттің
директор-бас редакторы Л.Оңалбаеваға Алматы облысы
әкімінің орынбасары Ж.Омардың Алғыс хатын, тілшілер –
Д.Дүйсенбаева мен Д.Диханбаевқа облыстық ішкі саясат
басқармасының басшысы Р.Алпысбаевтың Алғыс хатын,
директор-бас редактордың орынбасары А.Қасеноваға аудан
әкімінің Құрмет грамотасын табыстап, гүл шоқтарын ұсынды.
Аудандық газеттің директор-бас редакторы Л.Оңалбаева
және ауданымыздың жас тілшісі Д.Диханбаев сөз сөйлеп,
газет ұжымының атқарып жатқан істерінің еленіп жатқанына
ризашылықтарын білдірді.
«Қуана білгенге құт дариды, бағалай білгенге бақ
дариды» дейді дана халқымыз. Аудан әкімі Махаббат
Сәдуақасұлы Бигелдиевке жомарттығы үшін шексіз
ризашылығымызды білдіре отырып, алғысымызды
айтамыз!
Айнаш МӘМЛЕНҚЫЗЫ.