Шынықсаң шымыр боласың

Таяуда мемлекеттік қызмет органдарының 20 жылдығын мерекелеу аясында мемлекеттік қызметшілер арасында қайырымдылық жүгіру өтті. Аталмыш шараға аудандық бөлім басшылары мен мамандары, ауылдық округтердің әкімдері мен мамандары қатысты.
Показать полностью…
— Құрметті ауданымыздың мемлекеттік қызметшілері, сіздерді мерекелеріңізбен құттықтаймын. Мемлекеттік қызметшілердің атқаратын міндеті зор. Сіздер мен біздердің жауапкершілігі мол қызметті атқарып келе жатқанымыз – біз үшін үлкен абырой. Жақында біздің ауданның командасы он жеті аудан, үш қала, облыстық сот, прокуратура, ішкі істер басқармасы және тағы басқа да мемлекеттік органдар қатысқан облыстық волейбол жарысынан екінші орынға ие болып, медальмен марапатталып қайтты. Мемлекеттік қызметшілер мерекесі қарсаңында барлық жерде шаралар өтуде. Бүгінгі жүгіруде баршаңызға сәттілік тілеймін,-деді аудан әкімінің орынбасары Б.Момбаев.
Бұдан соң аудандық мәслихаттың төрағасы Б.Рысбеков және Басши ауылдық округінің әкімі, мемлекеттік қызметтің ардагері Т.Бекмұрза сөз алып, үлкен жауапкершілікті арқалаған мемлекеттік қызметшілердің еңбектеріне табыс тілеп, әрбір мемлекеттік қызметшінің имиджінің жоғары болуын тілге тиек етіп, мерекелерімен құттықтады.
Аудандық спорт және дене шынықтыру бөлімінің басшысы Е.Дуанаев жас ерекшелігіне қарай үш топқа бөлініп жүгіретінін және жүгіру аралығын айтып түсіндірді. Мәреге бірінші боп жеткендер: 18-29 жас аралығында І орынды Мадияр Исебаев, ІІ орынды Рустам Қапанов, ІІІ орынды Әмина Абикенова, 30-39 жас аралығында І орынды Сәкен Болатұлы, ІІ орынды Айдар Доспанбетов, ІІІ орынды Ақмарал Мыңбаева, 40-49 жас аралығында Тұрған Дербисов, ІІ орынды Ғалым Домбаев, ІІІ Еркін Қоңқышев, 50-59 жас аралығында І орынды Әбілмәжін Қожағұлов, ІІ орынды Асқар Баядилов, ІІІ орынды Қонысбек Толыбаев, 60-69 жас аралығында І орынды Тоқтарбек Бекмұрза, ІІ орынды Дина Ақбасова, ІІІ орынды Гүлбаршын Бақтияровалар. Аудан әкімінің орынбасары Б.Момбаев жеңімпаздарды марапаттады.
Айнаш МӘМІЛЕНҚЫЗЫ