Ақ желеңді абзал жандардың төл мерекесінде

Қазақстан Республикасы Президенті
Н.Ә.Назарбаевтың 2003 жылғы 15 қарашадағы Жарлығына
сәйкес, елімізде жыл сайын медицина қызметкерлерінің
мерекесі тойлануда. Жарлыққа сәйкес бұл мереке
де аудандық Ә.Сарыбаев атындағы Мәдениет үйінде
« Д е н с аул ы қ
— елдің
б а й л ы ғ ы »
атты медицина қызметкерлерінің кәсіби
мерекесі аталып өтті. Сырқатына ем,
жанына дәру іздегендер дәрігердің
көмегіне жүгінері хақ. Жаны қиналғанға
жанашыр болып, дауа іздегеннің көңіліне
демеу болған жандардың ерен еңбегі
бағаланатын күнінде марапаттау және
құттықтау сөз аудан әкімі Бигелдиев
Махаббат Сәдуақасұлына берілді.
— Құрметті бүгінгі салтанаттты
жиналысқа қатысушылар! Қадірлі
медицина қызметкерлері! Сіздерді аудан
тұрғындары және аудан әкімдігінің атынан
төл мерекелеріңізбен шын жүректен
құттықтаймын! Бұл мереке күні адам
тәнінің қиналысы мен қасіретін жүрегімен
сезіне білетін, денсаулық сақтау
саласының барлық қызметкерлерінің,
медбикелер мен дәрігерлердің ерен
еңбегі бағаланатын күн. Бүгінгі күні
медицина саласын басқарып, жақсы
істің ұйытқысы болып, ұзақ жылдар бойы
еңбек етіп жүрген Сламия Әкімбеков,
Гүлнәр Өтемісова, Рашида Бектемисова,
ауған соғысының ардагері Ләзат
Саржанованы және қоғамдық денсаулық
сақтау басқармасының мамандары,
Раушан Солтанбекова, Нұрбике
Ешкеноваларды ерекше атап өтуге болады. Құрметті медицина саласының барша қызметкелері! Ерен еңбектеріңізге,
шипалы алақандарыңызға, мейірімді жүректеріңізге алғысымыз шексіз. Еңбектеріңіз
халыққа қуаныш сыйлап, өздеріңізді нұрға бөлесін. Сіздерді төл мерекелеріңізбен
құттықтай отырып, отбасыларыңызға амандық, дендеріңізге саулық, еңбектеріңізге
толағай табыстар тілейімін,-деп сөзін аяқтады. Алматы облысы әкімінің Құрмет грамотасымен аудандық орталық ауруханасының терапевт дәрігері Бақытжамал Таныбаева, Алматы облысы денсаулық сақтау басқарма басшысының Құрмет грамотасымен орталық аурухананың хирург дәрігері Сандуғаш Асқамбаева, аурухананың педиатр дәрігері Гүләйім Оспанова, хирургия бөлімінің меңгерушісі Мұхтар Төлеуханұлы, аудан әкімінің Құрмет грамотасымен фтизиатр дәрігері Раушан Әмірзаданқызы, Қарашаш Райымқұлқызы, Ерлан Еркенұлы, Алмагүл Медеткәрімқызы, Гүлнәр Қайратқызы, Гүлдана Батырханқызы, Гүлшат Науханбайқызы, Гүлнәр Сталханқызы, Қайрат Шаутенұлы, Мәди Ғаниұлы, ұлттық сараптама орталығы аудандық бөлімшесінің лаборант паразитологі Роза Оспанқұлқызы, сондай-ақ, ауданның үздік дәрігері атағымен Татьяна Николаевна, ауданның үздік фельдшері атағымен Бақыт Сағидоллақызы, ауданның үздік акушері атағымен Гүлнәр Оманбайқызы марапатталды.
Жыл сайын медициналық жоғарғы оқу орнын бітірген жас түлектер ауданымыздың жас мамандарының қатарын толықтыруда. Сондай жас маманның бірі Жадыра Жанатқызына сөз берілді.
— Мен Бураханова Жадыра Жанатқызы, Семей мемлекеттік медициналық университетін 2016 жылы «Қоғамдық денсаулық сақтау» мамандығы бойынша тәмамдадым. Сол білімнің нәтижесінде екі жылдан кейін өз ауылыма келіп, алдарыңызда жас мамандардың атынан сөз сөйлеу құрметіне ие болып тұрмын. Бұл мен үшін үлкен мәртебе. Елбасымыздың «Дипломмен ауылға» бағдарламасына сай өз ауданымызда денсаулық сақтау жүйесін жақсартуға үлесімді қосудамын. Әрине жұмыс болған соң қиыншылығы да бар. Бірақ, қиындықты жеңіп шыққан адам барлығына да қол жеткізеді деп ойлаймын. Ақ халатты абзал жандар қызмет көрсету жүйесін жетілдіру және науқастарымызыдың денсаулығын жақсарту — біздің басты мақсатымыз бен міндетіміз. Құрметті әріптестер, сіздерді төл мерекелеріңізбен құттықтай отырып, отбасыларыңызға амандық, дендеріңізге саулық, кәсіби біліктіліктеріңіздің арқасында биік асулардан көріне берулеріңізді тілеймін,-деп ақ тілегін жеткізді. Сондай-ақ, орталық аурухананың емделушісі Гүлсара Габдулина ақ халатты абзал жандарға ақжарма тілегін білдіріді.
Іс-шара соңы аудандық Ә.Сарыбаев атындағы Мәдениет үйінің әншілерімен, бүгінгі кештің қонағы Сүйінбай атындағы Алматы облыстық филармонияның Жерұйық тобының концерттік бағдарламасына ұласты. Сондай-ақ, аудандық Ә.Сарыбаев атындағы Мәдениет үйінің көркемдік жетекшісі Жанғазы Жексембаевтың әні, Дүйсен Аңсабаевтың сөзіне жазылған «Ақ желеңді абзал жандар» әнінің тұсауы кесілді.
Дидар ДИХАНБАЕВ