МАХАББАТ БИГЕЛДИЕВ КЕРБҰЛАҚ АУДАНЫНЫҢ ӘКІМІ БОЛЫП ТАҒАЙЫНДАЛДЫ

МАХАББАТ БИГЕЛДИЕВ КЕРБҰЛАҚ
АУДАНЫНЫҢ ӘКІМІ БОЛЫП
ТАҒАЙЫНДАЛДЫ
2018 жылдың 24 мамыры
күні аудан әкімдігінің мәжіліс
залында актив жиналысы
болып өтті. Мәслихат хатшысы
мен депутаттар, аудан әкімі
аппараты, ауылдық округтердің
әкімдері, аудандық мекеме
басшылары, құқық қорғау
органдарының қызметкерлері
мен бұқаралық ақпарат
құралдарының өкілдері қатысқан
жиынды ашып, жүргізіп отырған
облыс әкімі Амандық Баталов
алқалы отырысқа ауданның
жаңа басшысын таныстырды.
Облыс әкімі өз сөзінде аудандық
мәслихаттың кезектен тыс
сессиясында өзінің ұсынысы
бойынша аудандық мәслихаттың
депутаттары Махаббат
Бигелдиевті аудан әкімі қызметіне тағайындауға бірауыздан келісімін бергенін, М.Бигелдиевтің өзінің өкімімен Кербұлақ ауданының
әкімі болып тағайындалғандығын айтып өтті. М.Бигелдиевтің өмірбаянына тоқталып, бұған дейін өзінің орынбасары және бірнеше
аудандардың әкімі қызметін атқарғанын айтып, жаңа басшының жұмыс тәжірибесінің молдығына ерекше тоқталып, жаңа қызметіне
табыстар тіледі.
Актив жиналысында Бағдат Алиев сөз сөйлеп, өзінің бес жыл ішінде ауданның экономикасын жақсарту жолында ауданның
активімен, ардагерлермен, аудан тұрғындарымен бірлесе еңбек еткенін тілге тиек ете отырып, үнемі қолдау көрсетіп келген облыс әкімі
А.Баталовқа, күш-жігерін аямай, бірге қызмет істегендерге, аудан активіне, үлкен-кішіге деген алғысын жеткізді. Облыс басшысына
бұл ауданнан 3-4 есе үлкен ауданға жіберіп, өзіне сенім артқаны үшін алғысын айтып, алдағы уақытта да жаңа қызметінде аянбай
қызмет ететіндігіне уәде берді.
Ауданның жаңа әкімі М.Бигелдиев мінберге көтеріліп, өзіне сенім білдіргені үшін облыс әкіміне алғысын айтты.
— Құрметті Амандық Ғаббасұлы! Маған сенім артқаныңыз үшін алғыс айтамын. Аудандық мәслихат депутаттарына осы қызметке
тағайындалуыма қолдау білдіргендері үшін өз ризашылығымды білдіргім келеді. Елбасы тапсырмаларын орындау жолында аянбай
еңбек етіп, ауданның өркендеуіне өз үлесімді қосамын,- деген жаңа басшы облыс басшысы тарапынан білдірілген сенімді ақтап,
аудан үшін жақсы қызмет атқаруға бар күш-жігерін салатынын жеткізді.
А.Баталов өз сөзінде облысымыздың әлеуметтік-экономикалық жағдайының күннен күнге жақсарып келе жатқандығы туралы
айта отырып, ауданымызға газ тартылатын күннің де алыс емес екендігін айтып өтті.
Бұдан соң мінберге көтерілген кәсіпкер, ауданға еңбегі сіңген азамат Нұрбай Жантілеуов, аудандық ардагерлер кеңесінің төрағасы
Төленді Сарыбаев жаңа тағайындалған Махаббат Бигелдиевке, бұрынғы аудан әкімі Б.Алиевке істеріне сәттілік, жұмыстарына ақ жол
тіледі. Аудан басшысы Махаббат Бигелдиев пен Бағдат Алиев өздеріне қарата айтылған жақсы тілектерге ризашылықтарын білдіріп,
көпшілікке рахметтерін жеткізді.
Жиынды қорытындылаған облыс әкімі Амандық Баталов:
– Сіздерге айтарым, жұмыстарыңыз жемісті болсын, әрқашанда биіктен көрініп келдіңіздер, алдағы уақытта да сол деңгейден
көрінеді деген сенімдемін. Елбасымыз Нұрсұлтан Әбішұлы Назарбаев артқан сенім жүгін талмай көтеріп, мақсат мүдесінен шыға
біліңіздер, — деген тілегін білдірді.
Өз тілшіміз