Бірлік күні

 Жоламан орта мектебі шағын орталығында қанда мерекелік іс-шара болмасын жоғары деңгейде өтеді. Жуырда орта мектеп шағын-орталықтың тәрбие ісі-жөніндегі орынбасары Ә.Хамзаинованың, би үйірмесінің жетекшісі Қ.Әлімжанованың, ұйымдастырушы ұстаз А.Мейрманованың жетекшілігімен «Халықтар достастығы» атты үлкен іс-шара өткізді. Мектептің барлық сынып оқушылары қатысқан іс-шарада бастауыш сынып оқушыларының Ақ көгершін киімін киіп қол бұлғап шыққандары тіптен әдемі көрініс болып, көрермендерге ду қол шапалақтады. 11 сынып оқушылары Нәзия Мұратбек пен Айжан Тұрған «Ақ көгершін» әнін орындады. Ауыл әкімі Д.Нүспеков ауыл тұрғындарын мерекемен құттықтады. Әр сынып түрлі ұлт өкілдері болып киініп, сол ұлттың өнерлерін көрсетті. Мерекелік іс-шара барысында әділқазылар мүшелері Д.Нүспеков, ардагер ұстаз Ш.Абитаева, мектеп директорының оқу ісі жөніндегі орынбасары С.Алипбековалар әділқазылық жасады. Мереке соңында қазақ ұлты халқының өнерін көрсеткен 9 ә сынып оқушылары Бас жүлдені жеңіп алды. Орыс ұлтының өнерін көрсеткен 3 а сынып оқушылары бірінші орынды, украиын халқы 4 ә сынып оқушылары 2-ші орынды , Әзербайжан халқының өнерін көрсеткен 7 а сынып оқушылары 3-ші орынды емденді. Орын алған сыныптарға мақтау қағаз және сыйлықтар табыс етілді. Басқа да қатысушылар белсенді қатысқаны үшін марапатталды.

Әсел Амангелдіқызы,

Жоламан орта мектебі шағын орталығы,

қазақ тілі мен

                                                                        әдебиетінің пәнінің мұғалімі