Спорт-денсаулық кепілі

Спорттың адам өмірінде алатын орны зор екендігін бәріміз білеміз. Спортпен айналысқан адамның денсаулығы мықты, өзі шыдамды болады. Біздің ата-бабаларымыз “Тәні саудың – жаны сау” деп бекер айтпаған. Спорттың қай түрімен айналысу — әр адамның қабілетіне байланысты болады. Спорт-адамның рухани әлемі үшін де маңызды.
Елбасы Н.Ә.Назарбаевтың «Болашаққа бағдар: рухани жаңғыру» мақаласы аясында Жайнақ батыр ауылдық округіне қарасты Жаңалық орта мектебінің спорт залында, әкім аппаратының әдіскер спорт нұсқаушысы А.Медетхан және Жаңалық орта мектебінің директоры Б.Рахимбековтың ұйымдастыруымен баскетбол ойынынан аймақтық жарыс өтті.
Жарыс өте қызықты және тартысты болды. Қорытындысы бойынша 1-орын Жаңалық ауылы, 2-орын Қоғалы ауылы, 3-орын Жайнақ батыр ауылынан келген командалар жеңіп алды. Жеңімпаз командаларды округ әкімі А.Баяділов құттықтап, Мақтау қағазымен және кубоктармен марапаттады. Спортсүйер қауым көп болсын!
Арман МЕДЕТХАНҰЛЫ,
Жайнақ батыр ауылдық округ әкімі
аппаратының әдіскер спорт нұсқаушысы.