«Гүлдене бер, менің Қазақстаным!» атты бастауыш сынып әдістемелік бірлестік апталығы

Таяуда Көксу орта мектебі шағын орталығында «Гүлдене бер, менің Қазақстаным!» атты бастауыш сынып әдістемелік бірлестігі апталығы өтті. Апталықтың ашылу салтанаты мектептің мәжіліс залында болды. Барлық бастауыш сынып оқушылары салтанатты жиынға қатысып, өлең, тақпақтарын айтып, би биледі. Апталығымыздың басында «Айгөлек» шағын орталығының тәрбиешілері Базилова Жолдыбала Какенқызы мен Қашағанова Майгүл Есжанқызы «Менің Отаным – Қазақстан!» атты тақырыпта тәрбие сағатын жүргізді. Тәрбиешілер сабақтарында көп көрнекіліктерді қолданды. Сабақ өте қызықты, ойын түрінде өтті.
Апта бойы 1-4 сыныптар арасында сыныптан тыс іс-шаралар, атап айтқанда, мектепалды даярлық тобының мұғалімі С.С.Абильбаева «Білім еліне саяхат» сайыс сабағын, 1 «А» сынып жетекшісі Г.Т. Жумагулова әртүрлі көрнекіліктерді пайдаланып, «Қызықты математика», 2 «А» сынып жетекшісі К.М.Торғаева интербелсенді тақтамен барлық пәндерді енгізе отырып, «Білімді мыңды жығар!», 3 «А» сынып жетекшісі Л.С.Аманбаева оқушыларды екі топқа бөліп, өзін өзі тану еліне саяхат сабағын, 4 «А» сынып жетекшісі А. Б. Абильбаева «Тапқырлар тартысы» тақырыбында сайыс сабағын,1 «Б» сынып жетекшісі А.Жазылбекова оқушыларды топқа бөліп, интеллектуалды ойын сабағын және 3 «Б» сынып жетекшісі З.Дүйсенбаева мен 4 «Б» сынып жетекшісі Х.Джаева орыс сыныптарының оқушылары мен мұғалімдері бірігіп, интеллектуалдық ойын сабағын өткізді. Оқушылар сайыстарда топқа бөлініп жарысты. Әртүрлі сұрақтарға жауап берді. Сабақта мұғалімдер барлық сұрақтар мен тапсырмаларды өмірмен, күнделікті тұрмыспен байланыстырды. Сабақта мұғалімдер оқушыларға математика пәнінен логикалық сұрақтарды қою арқылы орманға саяхат жасады. Оқушылар ормандағы аңдарға көмектесе отырып, көптеген тапсырмаларды орындады. Ұстаздардың сабақтары өте қызықты, тартымды өтті. Мұғалімдер балалармен еркін қарым-қатынаста болды. Оқушылар әр пәннен берілген тапсырмаларды жылдам әрі қатесіз орындады. Кіші сынып оқушылары болса да тіл байлықтары жақсы дамып келе жатқаны байқалды.
Ұстаздардың сабақтарының ең қызықты кезеңі «Әуенді тап» кезеңі болды. Бұл кезеңде оқушылар берілген әуенді тыңдай отырып, қай ән екенін тапты. Оқушыларға және мұғалімдерге сабақтар өте ұнады. Сабақтың соңында кері байланыс жүргізіліп отырды. Сайыс бойынша жеңген топтарды әділқазылар алқасы мадақтап, Мақтау қағазымен марапаттады.
Апталықтың жабылуына орай мұғалімдер мен оқушылар бірігіп, «Шынықсаң, шымыр боласың!» атты спорттық, эстафеталық сайыс өткізді. Сайысқа алты топ қатысты. Олар әртүрлі спорттық ойындар ойнады. Атап айтқанда секіргішпен секіру, шығыршық айналдыру, су тасу, қол күрестіру, арқан тартыс сияқты спорттық ойындар ойнады. Сайыста Бас жүлдені 3 «А» сынып жетекшісі Л.Аманбаева , І орынды 1 «А» сынып жетекшісі Г.Жумагулова, ІІ орынды 1 «Б» сынып жетекшісі А.Жазылбекова мен 4 «А» сынып жетекшісі А.Абильбаева, ІІІ орынды 2 «А» сынып жетекшісі К.Торғаева мен мектепалды даярлық тобының мұғалімі С.Абильбаева иеленді. Жеңген топ Мақтау қағазымен марапатталды.
Лязат АМАНБАЕВА,
бастауыш сынып әдістемелік
бірлестігінің жетекшісі