Кәсіпкерлікті қолдаймыз
Таяуда аудандық кітапханада Алматы облысы кәсіпкерлер палатасының аудандық кәсіпкерлер кеңесі мүшелері мен аудандық прокуратурасының жергілікті атқарушы органдармен, кәсіпкерлермен, шаруа қожалықтарымен «Біз бизнесті қорғаймыз» тақырыбында дөңгелек үстел өтті. Аудандық кәсіпкерлер палатасының директоры Болат Тастанбеков: Бүгінде аудандық «Атамекен» Ұлттық кәсіпкерлер палатасында, аудандық прокуратурамен бірлесіп бизнесті заңсыз тексерістерден қорғауға, кәсіпкерлердің жұмысына жөнсіз килігуге тыйым салуға, түйткілді де өзекті мәселелерді бірлесе отырып, шешуге аудандағы қалыптасқан бизнес-ахуалды жақсарту мақсатында сіздерді бүгінгі дөңгелек үстелде ашық әңгімеге шақырамын, — деді. Сөз тізгінін алған аудан прокуроры Айдын Болатұлы
-Бас прокуратура мен «Атамекен» Ұлттық кәсіпкерлер палатасы бірқатар ұйымдастырушылық қадамдар қабылдады. Кез-келген кәсіпкер жеке кәсібін ашқанда заң бұзушылыққа жол бермеу керек. Барлық құжаттары дұрыс рәсімделіп, салықты уақытылы төлеп, қауіпсіздік жағдаймен санитарлық нормаларды қатаң сақтап, сатуға шығарған өнімдеріңіз сертификатталған болуы тиіс,- деп сөзін аяқтады. Аудан прокурорының орынбасары Асқар Исағалиұлы сөзіндеКәсіпкерлерге жеті жылға дейін алты пайызбен несие беріледі.Сондай-ақ мемлекет тарапынан ауылшаруашылығы үшін көптеген субсидия бөлінеді. Несие алар кезде керекті құжаттар толық рәсімделген, кепілдік болуы қажет. Кәсіпкер үшін шаруа қожалықтары үшін кепілдіксіз несие жоқ. Несие алған жағдайда алған қаражатты үй, көлік алуға, тиімсіз пайдалануға қатаң тыйым салынады. Берілген қаражат бизнес план бойынша жұмсалуы керек. Бастаған кәсіптеріңіз жеке басыңыздың пайдасына ғана емес ауылдың, ауданның дамуына өзіндік үлесін қосуы тиіс деді. Аудандық мемелекеттік кірістер басқармасының басшысы Болат Дүйсембайұлы, аудандық қоғамдық денсаулық басқармасының басшысы Ертай Оразұлы кәсіперлікті дамытуымыз керек, кез-келген кәсіпкерге барлық құжаттары заңды болса қолдан келгенше көмегімізді көрсетуіміз керек. Қандайда бір сұрақтарыңыз, мәлімет алу керек болса аудан прокурорына, аудандық «Атамекен» Ұлттық кәсіпкерлер палатасына баруларыңызға болады. Кәсіпкерлер мен шаруа қожалықтармен біз барлығымыз тығыз байланыста болуымыз керек және осындай дөңгелек үстелдер жиындар жиі болуы керек деді Келген жеке кәсіпкерлер мен шаруа қожалықтары көкейінде жүрген сұрақтарын қойып, тұщымды жауаптар алды. Бірауыздан мемлекет тарапынан берілетін несиенің жолын жеңілдетсе, энергия қуатының тарифын арзандатса деген ұсыныстарын білдірді.
Дидар ДИХАНБАЕВ
