Атадан қалған асыл мұра

Елбасымыздың «Болашаққа бағдар: Рухани жаңғыру» атты мақаласында: «Ұлттық салт-дәстүрлеріміз, тіліміз бен музыкамыз, әдебиетіміз, жоралғыларымыз, бір сөзбен айтқанда ұлттық рухымыз бойымызда мәңгі қалуға тиіс» делінген. Осы орайда, «Ай-Сана» бөбекжай балабақшасында ересек «Аққайың» тобымен «Атадан қалған асыл мұра» атты ашық сабақ өтті. Наурыз – жаңа өмірдің, жаңа жылдың бастауы. Күн мен түн теңелетін ырысы мол, кешірім мен мейірімнің, үміт пен сенімнің, ізгілік пен түсіністіктің мерекесі.
Ашық сабақтың мақсаты — балалардың бойына халқымыздың асыл қадір-қасиетін сіңіру, үлкенді сыйлай білу, салт-дәстүрден нәр алып өсуіне, ғасырдан-ғасырға, ұрпақтан-ұрпаққа мирас болып қалған асыл мұраны жаңғырту. аталмыш сабақта балалар тақпақ, жұмбақ және мақал-мәтелдер айтып, тіл ұстартты. Сондай-ақ, қазақтың ұлттық ойындарын ойнап, салт-дәстүрлерді дәріптеді.

А.МЫСПАЕВА,
Қазақ тілінің мұғалімі,
«Ай-Сана» бөбекжай балабақшасы.