Дін мен дәстүр

Таяуда аудандық орталық Мешітте Найб имам Марлыбайұлы Әлімжан Байқадамов, аудандық мешітінің бас имамы Андакулов Сейтқали Жұмашұлы «Ақ мешіт» мешітінің бас имамы Бердібек Нұқтарұлының ұйымдастыруымен «Дін мен дәстүр егіз ұғым» атты іс-шара өтті. Іс-шараға аудандық әжелер ансамблі, ауыл тұрғындарымен мешіт жамағаттары қатысты. Бұл кездесудің мақсаты — қазағымыздың құндылығы саналатын салт-дәстүрімізді мәдени мұраларымыз яғни баланы бесікке салу, азан шақырылып ат қою, тұсаукесер, рәсімдерін халыққа насихаттап шариғатымызбен сәйкес екендігін жеткізіу. Мешіт тек қана Намаз оқып ғибадат құлшылық жасайтын орын ғана емес екендігін қазақи салт-дәстүрлерімізді осы жерде өткізуге болатынын халыққа түсіндіру. Аудандық мешітінің бас имамы алғашқы сөз тізгінін алып, Мешіт атауын, қазақи дәстүрімізді былай деп түсіндірді:
— Жалпы Мешіттің мән мағынасы «сәжде, құлшылық жасайтын орын» дегенді білдіреді. Ал шариға¬тымыздағы мәніне келер болсақ, Аллаға иман келтірген мұсылмандар жиналып намаз оқитын, өзге де құлшылықтарын жасайтын қасиетті мекен деген ұғымды білдіреді. Сондай-ақ мешітті көңілі жабырқау жандар пана тауып, өмірден тауқымет көріп қиналып жүрген адамдар демеу көретін жер деп те түсінуге болады. Өскелең ұрпақты осы жерде бесікке салып, тұсауы кесіліп, жас отбасылар некесін қиып жатса нұр үстіне нұр болар еді. Мешіт дегенде, ең әуелі оның тек сыртқы зәулім көрінісі ғана емес, адам жүрегін рахатқа кенелтіп жан дүниесін қанағаттандырып жіберер рухани жағы ерекшелік алуы тиіс. Өйткені, мешіт — барша мұсылман¬дар¬дың күнделікті күйбең тірші¬лік¬терін ұмытып, аса мақтаулы және барлық кемшілік атаулыдан пәк Ұлы Тәңірі алдында бас иіп мінә¬жат жасайтын орын. Сондай-ақ ол мұсылман¬дардың ең қастерлі дұға-тілектерін Алла тағалаға пенделік күнә-жазықтарына кешірім сұрап, тәубе ететін жері. Төрткүл дүниенің төрт бұрышында осылай жалбарына жайылған алақан-дардың тіле¬уіне Жаратушы Иеміздің мейірім назары, рақымы түскен кезде, бүкіл жер жаһан айрықша нұрланып сала береді,- деп салихалы әңгіме өрбітті. Іс-шара жалғасы баланы бесікке салып, тағы бір кішентай қыздың тұсауын кесіп, әжелер шашу шашып, қазақи әндерімізді нақышына келтіріп орындады. Сондай-ақ арнайы пісірілген жеті нанға құран оқылып, мешіт имамдары әжелеріміздің бастарына орамал тақты. Келесі сөзді Ақ мешіт мешітінің бас имамы Бердібек Нұқтарұлы алып:
-Келгендеріңізге көп рахмет, Алланың, мейрімі шексіз сондықтан әрдайым көп сауаптар жазылсын, үйлеріңізде береке-бірлікпен тек қана тыныштық орнасын, Алланың ақ үйі осындай қазақи дәстүрлермен нұрлана берсін деген тілегін жеткізді.
Келген жамағат осындай жылы жүздесулер ауданымызда тағы да жалғасын тапса деген ұсыныстарын айтып, әжелер ақ тілектерін жеткізіп, батасын берді.
Дидар ДИХАНБАЕВ