«Айбын» әскери-спорттық ойыны

Елбасымыздың «Болашаққа бағдар, рухани жаңғыру» мақаласы аясында және Елбасымыз Н.Ә.Назарбаев айтқандай, біз алдағы мақсатымызға, болашағымызға денсаулық арқылы жетеміз деген. Салауатты өмір салтын ұстана отырып, жас ұрпақты патриоттық тәрбиеге Отансүйгіштік рухта өз елінің нағыз қорғаушысы болуга тәрбиелеу. Мектепшілік әскери патриоттық тәрбие жұмысы бойынша, жастарға әскери-патриоттық тәрбие беруді насихаттауға бағытталған іс-шара өткізілді. Кербұлақ ауданы, Көксу ауылы, Көксу орта мектебінде, АӘД пән мұғалімі Меркебаев Самат Серханұлының ұйымдастыруымен «Айбын» әскери-спорттық ойыны өткізілді. Әскери-спорттық ойындарға қатысқан 7 команда. Олар, Көксу ОМ, Беріктас ОМ, Қосағаш ОМ, Шұбар ОМ, Онжас ОМ, Ы.Алтынсарин ОМ, Н.Әлмұханбетов ОМ. Жарыс 10-11 сыныптар арасында 3 ұл 2 қыз баланың қатысуымен өтті. Әр команда қатысушылары 1.Кедергіден өтіп автоматты шашып-жинау. 2. Әскери шенді жатқа айту. 3. Нысанаға ату. 4. Кермеге тартылу. 5. Арқан тартыс. 6. Әскери медициналық көмек көрсету. 7. Саппен ән айтып өту, сияқты 7 кезеңде бақ таластырды. Осылайша, жарыс нәтижелеріне сәйкес, жүлделі ІІІ орын Беріктас ОМ мен Ы.Алтынсарин ОМ командаларына бұйырды. ІІ орын Көксу ОМ бұйырса, І орынды барлық қарсыластарын артта қалдырып Шұбар ОМ командасы жеңімпаз атанды. Сондайақ жарыс-қорытындылары бойынша, 7 кезеңнен сүрінбей өткен үздік сарбаздар да анықталды. Әскери-спорттық ойындарының жеңімпаздары грамоталармен марапатталды.
Самат МЕРКЕБАЕВ,
АӘД пәнің ұйымдастырушысы
Көксу орта мектебі