«Жылдың үздік мұғалімі-2018» байқау

Қазіргі таңдағы мектепте мұғалім табысты болуы үшін кәсіби біліммен қатар, өзіндік сана, өзін бақылау, қайырымдылық және қарым-қатынастарды басқару сияқты тұлғалық және әлеуметтік қасиеттерге ие болуы қажет. Сондықтан қазіргі білім беру саласында жаңашыл мұғалімдердің білім беруі  талап етілуде.

Қазіргі әлемде болып жатқан қарқынды өзгерістер әлемдік білім беру жүйесін қайта қарау кажетті екендігін паш етті. Қарқынды өзгеріп жатқан әлемде білім саласындағы саясаткерлер үшін де, жалпы мектептер үшін де, соның ішінде мұғалімдер үшін де ең басты, маңызды мәселе болып отырғаны: «ХХІ ғасыр  мұғалімі қандай болу керек?». Осы мәселе негізінде: Сарыөзек орта мектебі мектепке дейінгі шағын орталығында директордың оқу-тәрбие ісі жөніндегі орынбасары Кулова Ақбаян Қатбарқызының ұйымдастыруымен мектепішілік «Жылдың үздік мұғалімі-2018» байқауы өтті. Байқау мақсаты: білім беру жүйесін дамытуға ықпал ететін, жаңашыл , дарынды ұстаздарды анықтау және үздік ұстаздардың педагогикалық инновациялық тәжірибелерін  тарату. Байқауға әр пән бірлестігінен бір мұғалімнен қатысып, сегіз мұғалім сынға түсті. Атап айтсақ, қазақ тілі мен әдебиет пәнінің мұғалімі Жаксыбаева Айнұр, ағылшын тілі пәнінің мұғалімі Сайдуллаева Гульсанам, биология пәнінің мұғалімі Алеасқар Айкерім, тарих пәнінің мұғалімі Еркеева Айнұр, бастауыш сынып мұғалімі Сартаева Данагүл, орыс тілі мен әдебиет пәнінің мұғалімі Дорошкеева Оксана, математика пәнінің мұғалімі Кабулова Роза, дене шынықтыру пәнінің мұғалімі Жангельдиев Дамир. Байқау төрт кезең бойынша жүргізілді:

1.Өзін-өзі таныстыру;

2.«Жаңартылған білімге – жаңашыл ұстаз» мұғалім қандай болу керек? презентация қорғау ;

3.«Мастер-класс»  өз сабақтарының бір құрылымына тоқталу;

4.Өз өнерлерін көрсету және мұғалімдердің шығармашылық портфолиоларын  бағалау.

Әр кезең бойынша қатысушы мұғалімдер өз өнерлерін ортаға салып, қазіргі заман талабына сай мұғалімдер мұғалім моделін қорғап, шағын сабақтың жүргізілуіне тоқталып кетті.

Байқау қорытындысы шығарылып, әділқазы алқаларының шешімі бойынша бас жүлдені Жаксыбаева Айнұр иеленсе, І орынды Кабулова Роза, сондай-ақ ІІ орындар бастауыш сынып мұғалімі Сартаева Данагүл және дене шынықтыру пәнінің мұғалімі Жангельдиев Дамирге бұйырса, ІІІ орынды Сайдуллаева Гульсанам, Еркеева Айнұр, Алеасқар Айкерім иеленді. «Жылдың үздік шығармашыл мұғалімі-2018» номинациясы Дорошкеева Оксанаға берілді.

Байқау соңы пән бірлестік мүшелерінің бір-біріне деген құрметтерін, ілтипаттарын танытып, демеушілік көрсетіп, жеңімпаздарға естелік сыйлықтарын берумен ұласты.

Қорыта келе,  мектеп директоры Тазабекова Толқын Ануарқызы сөз алып, мұғалім мамандығы үздіксіз еңбек етуді, шығармашылықпен үнемі шыңдалып отыратын мамандық екенін тілге тиек етті.

Кербұлақ ауданы

Сарыөзек ауылы

Сарыөзек орта мектебі МДШО

Директордың оқу-тәрбие ісі жөніндегі

орынбасары  Кулова  Ақбаян  Қатбарқызы