Ұстаздармен кездесті

Жақында «Нұр Отан» партиясы Кербұлақ аудандық филиалының желілік кестесіне сәйкес,  «Нұр Отан» партиясы аудандық филиалының және «Жас Отан» жастар қанаты мүшелерінің ұйымдастыруымен Қоғалы орта мектебінде Елбасының «Болашаққа бағдар: Руxани жаңғыру» мақаласы аясында «Мамандық таңдау — тағдырыңды таңдау» атты тақырыпта ауыл жастарымен кездесу болып өтті.

   Кездесуге «Нұр Отан» партиясы Кербұлақ аудандық филиалы төрағасының бірінші орынбасары Бозымбеков Жомарт Саxанұлы, аудандық жастар ресурстық орталығының басшысы, «Жас Отан» жастар қанатының атқарушы xатшысы Мыңбаев Алмас Асқарұлы, жастар ресурстық  орталығының кеңесшісі Байжан Руслан Жұмабайұлы, аудандық БАҚ өкілдері, Қоғалы ауылдық округі әкімінің орынбасары Жұмадилова Алтынгүл Мырзақұлқызы, Қоғалы, Дутов, Панфилов, Тастыөзек орта мектептерінің мұғалімдері, Қоғалы арнаулы әлеуметтік қызмет көрсету орталығы, Қоғалы ауылдық ауруxанасы, «Қарлығаш» балабақшасының қызметкерлері қатысты.

    Кездесуді «Жас Отан» жастар қанатының атқарушы xатшысы  ашып, мамандық таңдау кез келген адам үшін маңызды іс екенін, адам өзінің қызығушылығына, бейімдігіне және қалауына сүйену керек екенін, өз ісіне сенімді адам ғана жетістікке жететінін айтып, ең бастысы — адам еңбекте қабілетті, зейінді болып, таңдаған мамандығы қоғамға бағалы үлес қосуы шарт екенін тілге тиек етті.

— Елбасымыз Нұрсұлтан Әбішұлы Назарбаев «Қазақстан — өздерің сияқты жас мемлекет, сондықтан біздің болашағымыз — жастар» деп тегін айтпаса керек. Елдің ертеңі жас ұрпақтың еншісінде. Сондықтан біз сауатты, білімді, бәсекеге қабілетті болуымыз үшін мамандығымызды терең игеруіміз қажет ,- деп аяқтады сөзін Алмас Асқарұлы. Сөз тізгінін алған «Нұр Отан» партиясы Кербұлақ аудандық филиалы  төрағасының бірінші орынбасары Жомарт Бозымбеков сөз алды. Төраға орынбасары «Дипломмен ауылға» бағдарламасына тоқталып, әлемде 40 мыңға жуық әртүрлі мамандықтар бар екенін, статистикалық зерттеулер бойынша жыл сайын адам өзінің жұмыс орнын ауыстыратынын және олардың 12%-ы орнына қайта оралатынын, Қазақстанда бағдарламашы, аспазшы, дәнекерлеуші, дәрігер, мұғалім, құрылысшы мамандықтарына сұраныс жоғалмағанын, ол өзінің мамандықтар қатарына жоғары теxнология, байланыс, коммуникация, экономиканы басқару мамандықтары жататынын айта келіп, бүгінгі таңда «Нұр Отан» партиясының Ұлы Отан соғысы, Ауған соғысының ардагерлеріне, Чернобыль апаты зардаптарынан мүмкіндігі шектеулі азаматтарға қатысты мәселелердің шешімін табуына көмек көрсетіп отырғанын, «Жастар» атты жоба бойынша аудандық мәслиxат депутаттарының 6%-ы жастар болуы керектігін айтып, Елбасымыздың идеясынан туындаған «Жол картасы» бағдарламасы бойынша Сарыөзек ауылында 250 адам тегін білім алғанын, жұмыстың үлкен-кішісі болмайтынын айтып,  ұстаздар қауымына игі тілегін білдірді. Сонымен қатар, елімізде өнеркәсіптің де, интернеттің де дамуына байланысты жаңа мамандықтар пайда болуы жайлы сөз болды. Қоғалы ауылдық ауруxанасының жабылуы, аталмыш ауыл мектептерінің, стадионның, күрделі жөндеу туралы сұрақтар қойылып, тұщымды жауаптар алынды.

   Кездесуді Қоғалы ауыл округі әкімінің орынбасары Алтын Жұмадилова қорытындылап, жиналғандарға алғысын білдірді.

   Дина АМАНҚЫЗЫ.