Міндеттер жүктелді

Аудан әкімдігінің  мәжіліс залына  жиналған актив мүшелері  облысы әкімі Амандық Баталовтың төрағалығымен өткен  Қазақстан Республикасының Президенті Нұрсұлтан Әбішұлы Назарбаевтың «Төртінші өнеркәсіптік революция жағдайындағы дамудың жаңа мүмкіндіктері» атты Жолдауында аталған тапсырмаларды орындауға қатысты облыстың атқарушы органдарының жұмысын пысықтау мәселесі қаралған селекторлық тәртіпте өткен облыстық актив отырысына қатысты.

Актив отырысында  облыс әкімі Амандық Баталов негізгі әлеуметтік көрсеткіштер туралы баяндама жасап, өткен 2017 жылы облыстың әлеуметтік-экономикалық дамуының қорытындысын шығарып, Жолдауда айқындалған стратегиялық маңызы бар негізгі 10 бағыт бойынша өңірде тиімді жүзеге асырылуы тиіс жұмыстарға тоқталып өтіп, орындалуға тиісті іс-шаралар бойынша жауапты орынбасарларына,  мекеме басшыларына тапсырмалар берді.2017 жылы облысымыздың жеткен жетістіктері туралы айтып өткен облыс басшысы     Амандық Баталов:

-Елбасы Жолдауындағы белгіленген тапсырмаларды назарға ала отырып, ағымдағы жылы атқаратын жұмыстарымыздың жоспарын әзірледік. Енді бәріміз еліміздің өркендеуі жолында бір жұдырықтай бірігіп, талмай-тынбай еңбектенуіміз қажет, — деп актив жиынын қорытындылады.

Селекторлық тәртіпте өткен облыстық актив отырысы аяқталғаннан кейін  аудан әкімі аудан активі отырысының  бүгінгі күн тәртібімен таныстырып өтті.   Актив жиынына қатысып отырған аудан әкімінің орынбасарлары, аудандық прокуратура, сот, құқық қорғау органдарының, аудандық мәслихаттың депутаттары, ауылдық округ әкімдері, мекеме басшылары, білім, мәдениет, денсаулық сақтау саласының қызметкерлері, жастар, ірі өндірістік кооперативтер мен шаруа қожалықтарының басшылары және бұқаралық ақпарат құралдарының өкілдері алдында аудан әкімі Б.Алиев баяндама жасады. «Төртінші өнеркәсіптік революция жағдайындағы дамудың мүмкіндіктері» атты Қазақстан Республикасы Президенті Нұрсұлтан Әбішұлы Назарбаевтың Қазақстан халқына Жолдауында белгіленген тапсырмаларды іске асырудағы ауданның атқарушы органдарының жұмысы туралы».жасалған баяндама бойынша,  Қаспан ауылдық округінің әкімі А.Мадығалиев, аудандық аурухананың бас дәрігері Қ.Қалдыбаев,   ауылшаруашылығы бөлімінің басшысы Ж.Қатжанов,  Күреңбел қазақ орта мектебінің директоры К.Қыстаубаева   сөйлеп, ойларын ортаға салды.

Аудан әкімі Б.Алиев:

— Елбасы Жолдауы міндеттерінің орындалуы біздің басты мақсатымыз,Жолдауда белгіленген бағыттарды ел дамуының нақты бағыт-бағдары деп білеміз,-дей отырып,Елбасы Жолдауын тұрғындар арасында насихаттау және түсіндіру жұмысын ұйымдастыру үшін орынбасарларына, мекеме басшыларына тапсырмалар берді.

Аудан әкімінің орынбасары Б.Момбаевқа, «Нұр Отан» партиясының Кербұлақ аудандық филиалы төрағасының бірінші орынбасары (Ж.Бозымбековке), ішкі саясат бөлімі (Г.Бекбатыроваға), білім бөлімі (Н.Балхашеваға), жастар саясаты (А.Мыңбаевқа) және басқа да тиісті бөлім басшылары, ауыл әкімдері ақпараттық насихат топтарын беделді, білімді азаматтармен толықтырып, жұмысын жандандыруды;

Депутаттар, соғыс және еңбек ардагерлері, жастар, үкіметтік емес ұйымдардың қатысуымен халық арасында Елбасы Жолдауын түсіндіру жұмыстарын сапалы, әрі қысқа мерзім ішінде жүргізуді;

Бірінші –Индустрияландыру жаңа технологияларды енгізудің көшбасшысына айналуымыз тиіс, осы бойынша аудандағы өнеркәсіп кәсіпорнын цифрландыру жөніндегі пилоттық жобаны іске асырып, цифрлық және басқа да инновациялық шешімдерді әзірлеуді;

Екінші – Ресурстық әлеуетті одан әрі дамыту бойынша жұмыстарды атқаруды аудан әкімінің орынбасары С.Қожахметовқа , аудандық кәсіпкерлік бөлімі (Ә.Рысбековке) тапсырды.

Үшінші – Агроөнеркәсіп кешенін қарқынды дамыту мүмкіндігі. Егін егу мен астық жинаудың оңтайлы уақытын болжамдаудың,«ақылды суарудың», минералды тыңайтқыш себудің, зиянкестермен және арамшөппен күресудің интеллектуалды жүйелер арқылы өнімділікті арттыруға бағытталған іс-шараларды пайдалана отырып жұмыс істеуге аудан әкімінің орынбасары С.Қожахметовқа, аудандық ауылшаруашылық бөлімі (Ж.Қатжановқа) тапсырды;

Төртінші-Күреңбел тоғыз жолдың торабында орналасқан киелі мекен.Осы жолда Жолдауда айылған көлік-логистика инфрақұрылымының тиімділігін арттыру бойынша шаралар арқылы аудандағы жолдар жұмыстарын аудан әкімінің бірінші орынбасары К.Айпеисовке, аудандық жол қатынастары бөлімі (Е.Сарыбаевқа) тапсырды.

Бесінші-Құрылыс және коммуналдық секторға заманауи технологияларды енгізу бойынша шараларды аудандағы жаңадан салынатын ғимараттардың жобасы мен аудандағы құрылыс жоспарын жасағанда ерекше тәсілдердің қолдануын аудан әкімінің бірінші орынбасары К.Айпеисов және аудан әкімінің орынбасары С.Қожахметовқа, аудандық құрылыс және сәулет бөлімдеріне (М.Өмірәлиев пен Н.Әденовке) тапсырды.

Алтыншы- Қаржы секторын «қайта жаңғырту» қаржы қызметін қадағалау қатаң, уақытылы әрі нәтижелі болуын аудан әкімінің бірінші орынбасары К.Айпеисовке, аудандық қаржы бөліміне (Б.Албанбековаға) тапсырды.

Жетінші- адами капитал жаңғыру негізі. Білім берудің жаңа іс-сапасы.Барлық жастағы азаматтарды қамтитын білім беру ісінде озық жүйені құру сонымен қатар қазақ тілінің ғұмырлы болуына, латын әліпбиіне көшу мәселесін реттеуге, аудан халқының денсаулығын нығайтуға, медициналық қызмет көрсету сапасын арттыруды аудан әкімінің орынбасары Б.Момбаевқа, аудандық білім бөлімі, мәдениет және тілдерді дамыту бөлімі, аудандық денсаулық сақтау мекемесіне (Н.Балхашеваға, Ә.Әділханға, Қ.Қалдыбаевқа) тапсырды.

Сегізінші- Тиімді мемлекеттік басқару бойынша 2018 жылдың 1 қаңтарынан бастап 2 мыңнан астам халқы бар ауылдық округтерде жергілікті өзін-өзі басқарудың дербес бюджеті мен коммуналдық меншігін енгізу жұмыстары бойынша аудандағы округ әкімдерінің жұмыстарының тиянақты орындалып отыруын аудан әкімінің бірінші орынбасары К.Айпеисовқа, аудан әкімінің аппаратына (Г.Камамбаеваға) тапсырды.

Тоғызыншы-Жемқорлықпен күрес және заңның үстемдігі бойынша сонымен қатар аудандағы барлық азаматтарымыз өз өтініштерінің қалай қарастырылып жатқанын көріп, дер кезінде сапалы жауап алуын, сот және құқық қорғау жүйелерін институционалдық тұрғыдан өзгертуді жүзеге асыру бойынша аудан әкімінің орынбасары Б.Момбаевқа, аудандық жалпы бөлімі (М.Какеноваға), аудан әкімі аппаратының құқық мәселелері бойынша (Е.Асановқа) , аудандық ұйымдастыру және АХАТ бөліміне (А.Өжетке) тапсырды.

Оныншы – «Ақылды қалалар» «ақылды ұлт» үшін. Аудандағы барлық елді мекендердің сәулетті, таза, замани талаптарға сай, халыққа барлық жағдай жасау жұмыстарын Кербұлақ ауданы бойынша барлық ауылдық округ әкімдеріне, ауылдық округ әкімі аппаратына тапсырды. Тиісті мекеме басшыларына тапсырмаларын берген аудан әкімі  актив отырысын қорытындылап,жабық деп жариялады.

Ләйлә Оңалбаева