Тәуелсіздік басқа қонған бақ

Таяуда аудандық Мәдениет үйінде 16 желтоқсан Қазақстан Республикасның Тәуелсіздігіне 26 жыл толуына арналған «Тәуелсіздік-елімнің ерлік жол» атты салтанатты жиын өтті. Салтанатты жиын 16-желтоқсан оқиғасына байланысты бейне ролик көрсетіліп,  жас мемлекеттік қызметкерлердің  Қарашоқы ауылдық округі әкімі аппаратының бас маманы Елтаев Еркебұлан Қуандықұлы, Сарыөзек ауылдық округі әкімі аппаратының бас маманы Байболат Гүлмира Базарбекқызының ант қабылдау рәсімімен басталды. Тәуелсіздік күні мерекесімен құттықтау және марапаттау үшін аудан әкімі Алиев Бағдат Байшалұлына берілді.

-Желтоқсаннан бастау алған  тәуелсіздік елдің алыс арманына жеткізді. Ынтымақты ұран, татулықты ту еткен бейбіт халқымыз осы уақыт аралығында толағай табыстарға жетті. Мемлекетімізбен ауданымыздың қарқынды дамуы тұрақты саясат пен ішкі бірліктің арқасы. Елбасымыздың сарабдал саясатының, ауылға, жастарға деген бағдарламаларының арқасында қаншама игі істер атқарылуда.  Биыл Күреңбел өңірінде көптеген істер жүзеге асырылуда. Мүмкіндігі шектеулі жандарға тиісті көмек, жас мамандар, жас отабасылар тұрғын үймен қамтамассыз ету, көшелерге күрделі жөндеу жасау, ауылдарда ауызсумен қамтамассыз ету істері жоспар бойынша орындалуда. Көк байрағы желбіреген, бүгінгідей абыройлы да айбынды, беделді де берекелі, ынтымағы мен бірлігі жарасқан еліміздің тәуелсіздігі баянды болсын. Тәуелсіздігіміздің тұғыры биік, егемендігіміз мәңгілік болсын! Мерекелеріңіз  мерекеге ұлассын,-деп сөзін аяқтады. Сондай-ақ  облыс әкімінің Құрмет грамотасымен, аудан әкімінің Алғыс хаттарымен ауылшаруашылығы бөлімінің бас маманы Адамжан Сетейұлы, аудандық кітапхананың бас директоры Баян Нұрбаева, аудандық аурухана бас дәрігері Қанат Зекенұлы, Желтоқсан оқиғасының қатысушысы Раиса Қыдырбайқызы марапатталды. Марапаттау рәсімінен кейін Желтоқсан құрбандарын бір минут үнсіздік жарияланды.

Келесі сөз тізгінін алған Желтоқсан оқиғасының қатысушысы Раиса Қыдырбайқызы алып:

-1986 жылғы желтоқсан оқиғасы қазақтың басын біріктіріп, бір жұдырыққа жұмылдырған бақытты да, қайғылы күн еді. Желтоқсан жаңғырығы көзден де көңілден де кетер емес. Бүкіл бір ұлттың сүйегіне таңба түсіріп, әділетсіз шешім қабылданып, халықтың ар-намысы таразыға салынған сын сағатта дүлей күшке қаймықпай қарсы шыққан жастардың ерен еңбегі ұрпақтан-ұрпаққа үлгі. Осыдан 28 жыл бұрын, яғни 1986 жылы Алматының бас алаңына жастар жаман оймен барған жоқ. Олар бейбіт жолмен тәуелсіздікке қол жеткізу үшін қатысқан. Сондықтан ата-баба аңсаған, кешегі желтоқсан оқиғасының құрбандары аңсаған тәуелсіздігімізге бүгінде қол жеткіздік. Тәуелсіздігіміз баянды болсын, еліміздің жалынды жастары бастарын бәйгеге тігіп, бодандық құрсауынан шығуға ұмтылған қыршын ерліктері бүгінгі Тәуелсіз Еліміздің жарқын істерімен жалғасын табуда. Бостандық пен еркіндіктің бастауы болып табылатын осы салтанатты күні баршаңызға игілік пен бақыт, бақ-дәулет, ырыс тілеймін. Қазақстанның тұрақты дамуы мен кемелденуі жолындағы еңбектеріңіз табысты, барлық бастамаларың сәтті болсын! –деді.

Келесі сөз тізгінін Тәуелсіздіктің құрдасы №49-шы орта мектебі география пәнінің мұғалімі Айнұр Әбілхан алып: Тәуелсіз  мемлекетіміз, көк туымыз, картадан ойып алар орнымыз бар. Бұл қуаныш қазақ елі үшін оңай келе салған жоқ. Дәл осы күні қаншама қандасдарымыз аға-әпкелеріміз тәуелсіздіктің жолында құрбан болды. Сондықтан біз жастар осындай тәуелсіз елде өмір сүріп жатқанымызға қуанып, талмай еңбек етіп, еліміздің жарқын болашағы үшін бір ел болып жұмыла жұмыс  атқаруымыз тиіс. Мерекелеріңіз құтты болсын, елімізде тек бейбітшілік болсын,-деп  ақ тілегін білдірді. Салтанатты жиын соңы аудандық Мәдениет үйінің шағын концертіне ұласты.

                                                                                              Дидар ДИХАНБАЕВ.