Қоғамдық кеңес талқысы өтті

Ағымдағы жылдың қараша айының 13 жұлдызында Елордамыз Астана қаласындағы Рамада Плаза қонақ үйінде қоғамдық кеңестің  І республикалық мәжілісі барлық қоғамдық кеңестің төрағалары мен хатшылары және мүшелерінің қатысуымен өтті. Бұл қоғамдық кеңестің  І республикалық мәжілісіне Кербұлақ ауданынан қоғамдық кеңестің хатшысы Байжан Руслан Жұмабайұлы барып қатысып қайтты.

Қоғамдық кеңесті Алматы қаласының Қоғамдық кеңесінің  төрағасы, «Тұран» университетінің ректоры Алшанов Рахман Алшанұлы ашып, жүргізіп отырды.  Қоғамдық кеңес 3 бөлімнен тұрды. Бірінші бөлім: «Қоғамдық кеңестер: мемлекет және қоғамның өзара іс-қимылының механизмі мен қызмет практикасы», екінші бөлім «Қоғамдық бақылау түрі: өзара байланыс және іске асыру практикасы» және үшінші бөлім «Қоғамдық кеңестер қызметінің ашықтығын қамтамасыз ету» тақырыптарында өтілді.

Қоғамдық кеңесте Қазақстан Республикасының Парламенті сенатының депутаты Бекназаров Бектас Әбдіханұлы және Қазақстан Республикасының Премьер – Министрінің орынбасары Досаев Ерболат Асқарбекұлы алғы сөз сөйлеп келген қонақтарды  Қоғамдық кеңестің  республикалық  І мәжілісінің  өтуімен құттықтап, алдағы жұмыстарына шығармашылық табыстар тіледі.

Қоғамдық кеңестің отырысында Қазақстан Республикасының Дін істері және азаматтық қоғам министрі Ермекбаев Нұрлан Байұзақұлы, Қазақстанда біріккен ұлттар ұйымы бағдарламасын дамыту бойынша тұрақты өкіл Мунхтуя Алтангерел, Қазақстан Республикасы Парламенті Мәжілісінің депутаты Сейдуманов Серік Тұрарұлы, Алматы қалалық Қоғамдық кеңесінің мүшесі, «Транспаренси Интернешнл Казахстан» ҚҚ-ы Қамқоршылық Кеңесінің төрағасы Шибутов Марат Мақсұмұлы және «Шығыс-Қазақстан облыстық Азаматтық Альянс» ҚҚ-ның төрағасы, облыстық мәслихат депутаты, Шығыс-Қазақстан облыстық  қоғамдық кеңесінің мүшесі Чернышев Олег Владимирович баяндамар оқып, өз тәжірибелерімен бөлісті.

Қоғамдық кеңесте әлемдік тәжірибеге сүйену және басқа сұрақтар бойынша келелі мәселелер қаралып, алдағы уақытта атқарылатын жұмыстар мәселелері ауқымды түрде қарастырылды.

Р.БАЙЖАН,

аудандық Қоғамдық кеңестің хатшысы.