Тамыз кеңесінде

Қазақстан Республикасының Президенті Нұрсұлтан Әбішұлы Назарбаевтың «Болашаққа бағдар: рухани жаңғыру» атты еңбегінде «Табысты болудың ең іргелі, басты факторы білім екенін әркім терең түсінуі керек. Жастарымыз басымдық беретін межелердің қатарында білім әрдайым бірінші орында тұруы шарт. Себебі, құндылықтар жүйесінде білімді бәрінен биік қоятын ұлт қана табысқа жетеді» делінген.

Аудандық Ә.Сарыбаев атындағы Мәдениет үйінде жылдағы дәстүр бойынша тамыз кеңесі өтті. Аудандық білім бөлімінің басшысы Назгүл Мұрапқызы Балқашева «Қазақстанның жаңғыруы 3.0 – білімнің үлесі» бағытында 2016-2017 оқу жылында атқарған жұмыстары мен алдағы міндеттері бойынша баяндама жасады. Онда ауданның білім беру мекемелерінде сегіз мың алты жүз жетпіс жеті оқушының білім алғанын, мектепалды даярлық сыныптарында сегіз жүз он екі баланың тәрбиеленгенін, мектептерде «Мектепке жол», «Қамқорлық» акциясы өткізілгенін, сондай-ақ, үш жүз он жеті оқушыға бюджеттен тыс тоғыз жүз жиырма алты мың теңгеге материалдық көмек көрсетілгенін, қырық бес оқушының «үйден оқыту» арқылы білім алғанын, мектебі жоқ отыз елді мекеннен екі жүз жетпіс бір оқушының тасымалданып оқытылғанын, оқу жылының қорытындысы бойынша білім сапасы 65,3 пайызға жетіп, өткен жылмен салыстырғанда 12,9 пайызға жоғарылағанын, аудан мектептерінде бір мың бес жүз жиырма бір мұғалім жұмыс істесе, соның бір мың екі жүз қырық тоғызы жоғары, екі жүз жетпіс екісі арнаулы орта білімді екенін, олардың екі жүз қырық үшінің жоғары санатты, бес жүз жетпіс екісінің І санатты, төрт жүз отыз үшінің ІІ санатты екенін, биылғы оқу жылында отыз төрт мұғалім жоғары санатқа, жетпіс төрт мұғалімнің І санатқа өткенін, мектептерде орыс тілі, математика, физика, химия, ағылшын тілі пәндерінің мұғалімдері, нақты айтқанда, жиырма мұғалімнің жетіспейтінін айта келіп, оқу жылындағы жетістіктер мен атқарылған жұмыстарға тоқталды.

Бұдан соң жарыссөзге шыққан Шанханай негізгі мектебінің директоры Бақытжан Мақұлбеков:

-Құрметті әріптестер! Елбасының «Болашаққа бағдар: рухани жаңғыру» мақаласында салт-дәстүрдің нығаюы, білімнің салтанат құруы сынды маңызды мақсат-міндеттер белгіленді. Қоғамның рухани жаңғыруына халықтың дәстүрі мен ұлттық мәдениет негіз болуы тиіс екені анықталды. Мұндай бағытты  кешегі күн мен бүгінгі, бүгінгі күн мен ертеңгі күн жалғастырады. Биік мақсатқа жету үшін біздің санамыз ісімізден озып жүруі, яғни рухани жаңғырып отыруымыз тиіс. Елбасымыздың бұл қағидасы білім саласы және ұстаздар қауымы үшін жауапкершілікті бұрынғыдан да арттыра түседі. Ыбырай Алтынсарин «Мектептің жаны — мұғалім» деп бекерге айтпаған. Инновациялық оқу-құралдарымен жабдықталып, материалдық тұрғыдан байытылса да оның ешқайсысы мұғалімнің орнын алмастыра алмайтыны аян. Ұстаз алдындағы шәкірт арқылы өз заманын тәрбиелейді. Сондықтан Елбасының мақаласы білім саласы үшін ғана емес, жалпы рухани даму үшін бағытталған. Елбасының бағдарлы тапсырмасын бірлесіп орындаймыз деп сенім білдіреміз. Жаңа оқу жылы құтты болсын. Ұжымдарыңызға береке, табысты еңбек тілеймін,-деп кеңеске қатысушыларды құттықтады.

Сонымен қатар, жарыссөзге шыққан Күреңбел қазақ орта мектебі директорының тәрбие ісі жөніндегі орынбасары Нұркен Қалыбеков және Майтөбе негізгі мектебінің жас маманы, орыс тілі мен әдебиеті пәнінің мұғалімі Наргиз Қаражанова  ұстаздар қауымының жас ұрпаққа сапалы білім мен саналы тәрбие беріп, еліміздің экономикасының дамуына, озық отыз елдің қатарынан көрінуге өз үлестерін қосатындарын жеткізді.

Аудан әкімі Бағдат Байшалұлы Алиевке қорытындылау сөз және  марапаттау кезегі берілді.

— Құрметті ұстаздар! Қадірменді қонақтар! Баршаңызды аудан педагогтарының дәстүрлі «Тамыз кеңесі» мерекесімен құттықтаймын!-дей келе, аудандық білім бөлімінің басшысы жасаған баяндама бойынша сараптама жасап, көкейкесті мәселелерге тоқталып өтті. Сөз соңында: — Әр оқушының тағдырына алаңдап, ізгі оймен, ізденіспен күн кешкен сіздердің еңбектеріңізге біз әрдайым басымызды иеміз. Алдағы жылдарда да табыстар биігінен көрініп, көңіліміз марқайған сәттерде басымыз аман, бауырымыз бүтін кездесуді жазсын. Баршаңыздың жанұяларыңызға бақыт, еңбектеріңізге шығармашылық табыс тілеймін!-деп құттықтап, ауданымыздың бірқатар белсенді де білікті ұстаздарын марапаттады.

Атап айтар болсақ: Қазақстан Республикасының Білім және ғылым министрлігінің Алғыс хатымен Нұрым орта мектебі директорының оқу-тәрбие ісі жөніндегі орынбасары Махметова Нұргүл Мейрамбайқызы, Алматы облысының білім басқармасының Құрмет грамотасымен Сарыбұлақ орта мектебінің математика пәнінің мұғалімі Акперлинова Айман Катымтайқызы, Қаспан орта мектебінің орыс тілі мен әдебиеті пәнінің мұғалімі Исмағұлова Айша Сәбитқызы, Нұрым орта мектебінің тарих пәнінің мұғалімі Уәлибаева Айнагүл Әбішқызы, аудан әкімінің Құрмет грамотасымен Қаспан орта мектебінің химия, биология пәндерінің мұғалімі Рыскүл Абдихадирова, Беріктас орта мектебінің қазақ тілі мен әдебиеті пәнінің мұғалімі Альбина Бигашева, Сарыөзек орта мектебінің математика пәнінің мұғалімі Айгүл Жобалаева, Көксай негізгі мектебінің тарих пәнінің мұғалімі Фарида Бейсенова, аудан әкімінің Алғыс хатымен Сарыбұлақ орта мектебі директорының оқу-тәрбие ісі жөніндегі орынбасары Ләззат Бекова, Жаңалық орта мектебінің бастауыш сынып мұғалімі Күлсара Еспембетова, №49 орта мектептің география пәнінің мұғалімі Зайтуна Смағұлова, сондай-ақ, аудандық білім бөлімінің Құрмет грамотасымен И.Панфилов атындағы орта мектептің ұстаз-ұйымдастырушысы Қадылғазы Елемесов, Қаспан орта мектебінің шағын орталығының тәрбиешісі Жанна Мухамет, Д.Қонаев атындағы орта мектептің қазақ тілі мен әдебиеті пәнінің мұғалімі Гүлайым Мырзабекова, Беріктас орта мектебінің физика пәнінің мұғалімі Арай Кунафина, Шилісу негізгі мектебінің география пәнінің мұғалімі Әлішер Кәрімжан, Шанханай негізгі мектебінің қазақ тілі мен әдебиеті пәнінің мұғалімі Меруерт Оразымбетова, Ш.Уәлиханов атындағы орта мектеп шағын орталығының тәрбиешісі Жазира Чайкедолдой марапатталды.

Сонымен қатар, Қарашоқы орта мектебі – «Үздік мектеп», Сарыбұлақ орта мектебі – «Шығармашыл мектеп», Майтөбе орта мектебі — «Ізденімпаз мектеп», Нұрым орта мектебі – «Жасыл мектеп», «Балдырған» балабақшасы – «Үздік балабақша», №49 орта мектебінің гуманитарлық пән бірлестігі «Тәжірибелі пән бірлестігі», Сарыөзек орта мектебінің жаратылыстану пән бірлестігі «Шығармашыл пән бірлестігі», Д.Қонаев атындағы орта мектептің гуманитарлық пәндер бірлестігі «Табысты пән бірлестігі», Күреңбел қазақ орта мектебінің бастауыш сынып бірлестігі «Үздік бастауыш сынып бірлестігі», Шилісу негізгі мектебінің жаратылыстану пәндер бірлестігі «Ізденімпаз бірлестік» номинациялары бойынша бағалы сыйлықтарды иеленді.

Еңбек жолын бастаған жас ұстаздар мен мерейі үстем болған мұғалімдер аудан әкімімен естелік суретке түсті.  Бұдан кейін Күреңбел қазақ орта мектебінің музыка пәнінің мұғалімі Жігер Еркінбек «Қымыз құйғыш», «Ай-сана» бөбекжай балабақшасының музыка жетекшісі Раушангүл Оразбекова «Әри айдай», «Балдырған» бөбекжай-балабақшасының музыка жетекшісі Жұмабай Оспанжан «Туған жерім тамаша», №49 орта мектебінің музыка пәнінің жетекшісі Абылай Сырғалиев «Ұстазым» әндерін орындап, көрермендерге көтеріңкі көңіл-күй сыйлады.

Айнаш ҚАСЕНОВА.

Аудандық прокуратурада

Жақында аудандық прокуратураның ұйымдастыруымен  Жоламан мен Малайсары ауылдарының маңынан табылған көне тарихи таңбалы тастар туралы отырыс болып өтті.

Отырысты аудан прокурорының  орынбасары Ізтаев Асқар Исағалиұлы жүргізіп отырды.

Отырысқа аудандық мәдениет және тілдерді дамыту бөлімінің басшысы Әділжан Әділхан, жеке кәсіпкер Нұрбай Жантілеуов, «Арқарлы тас»  ЖШС атқарушы директоры Мәди Омархаджаев, аудандық жер қатынастары бөлімінің  басшысы Мақсат Қартбаев, Сарыбастау ауылдық округінің  әкімі  Қайрат Сұлтанбеков, аудан прокуратурасының прокуроры Олжас Абдраман, аудан әкімінің  орынбасары Болысбай Момбаев, жергілікті полиция қызмет бастығының орынбасары Қабыл Тілеуов, аудандық кәсіпкерлік  бөлімінің  басшысы Әділхан Рысбеков, облыстық кәсіпкерлер палатасының  Кербұлақ аудандық филиалының  директоры Болат Тастанбеков, Малайсары стансасының тұрғыны Қожатай Үдербаев қатысты.

Отырысы ашқан аудан прокурорының орынбасары Асқар Исағалиұлы осы аймақтардан табылған петроглифтер  туралы облыстық, республикалық баспасөздерде  жарияланғанын, кейін олардың зертханаға өткізіліп  археологиялық сараптама қорытындысы шыққанын, сондықтанда ол  жерлер  мемлекет, құқық қорғау органдары тарапынан  қорғалатынын олардың талан-таражға түсуіне жол берілмейтінін, сондықтан  сол маңдағы ел-жұртпен кездесулер өткізіп, түсіндірме жұмыстары жүргізілу  керектігін айтты. Өз кезегінде сөз алған Нұрбай Қожатайұлы Арқарлы тас зауыты  1930 жылдан бастап  пайдалануға берілгенін, ал 70 жылдары жаппай сатылымға шыққанын сол жылы осы тастардан Алматы қаласында офицерлер үйі салынғанын, 2006 жылдан бастап конкурс арқылы облыс әкімінің  рұқсатымен 34 га жері тас және қиыршық тас өңдеу жұмыстарын жүргізу үшін берілгенін, көне тарихи таңбаларды сақтап қалу кез-келген азаматтың борышы екенін, алайда барлығы заң шеңберінде жасалу керектігін тілге тиек етті. 

Аудандық мәдениет және тілдерді дамыту бөлімінің басшысы Әділжан Әділхан өз сөзінде Елбасының «Болашаққа бағдар: рухани жаңғыру» атты мақаласындағы «Туған жер» атты арнайы  бағдарламасының  аясында  жақында бұл тарихи тауға  облыстық Мәдениет басқармасының ұйымдастыруымен  Алматы облыстық тарихи мәдени  мұраны қорғау жөніндегі  орталығынан мамандар  келгенін, бұл ең бірінші болашақ ұрпақ  үшін керектігін айтты. Бұдан соң өз кезектерінде сөз алған Сарыбастау ауылдық округінің әкімі Қайрат Сұлтанбеков, аудандық жер қатынастары бөлімінің басшысы Мақсат Қартбаев, Алматы Күз – жиын-терім мезгілі. Ауыл шаруашылығымен айналысатын әр ауыл округтеріндегі шаруалар тынымсыз еңбек үстінде. Олар маңдай термен егіліп күтілген дәнді дақылдарын шашпай-төкпей жинап алу қамында.

Осы орайда, Жайнақ ауыл округіне ат басын бұрдық. Ауыл округі әкімі Асқар Баядиловтың айтуынша, мұнда барлығы 185 шаруа қожалығы жұмыс істеуде. Бұлардың арасынан Алмат Ұлыбаевтың «Бақдәулет», Қуандық Оспановтың «Гауһар», Сансызбай Қасеновтың «Еңлік», Нурихан  Сартовтың «Саят»,   Әли Шорабаевтың  «Жандос» атты шаруа қожалықтарын атауға болады.

Елімізде шаруаларын дөңгелеткен көптеген шаруа қожалықтары лизингке техникалар алып, жұмыстарын жеңілдетуде. Біздің ауданда да жылда болмаса да ыңғайы келгенде жаңа техникаға қол жеткізіп жүрген шаруа қожалықтары баршылық. Солардың бірі – «Дәулет» шаруа қожалығы. Билканов Дәулет Сатылханұлының иелігіндегі егін алқабына жақындағанымызда, жаңа техникалар ору науқанына сақадай сай әзірлікпен жұмысқа кірісіп кеткен екен. Шаруа басшысы Дәулет Сатылханұлын әңгімеге тартқанымызда, ол:

— Біздің егін алқабымызға хош келдіңіздер. Мынау – біздің дала қосымыз. Мұнда бәріміз тамақтанамыз. Алты-жеті адамның үлес жері бар. Барлығы 45 гектар. «Диқан жерге тоймайды» дегендей, жалға жер алып егеміз. Жылдан жылға жағдайымыз жақсарып келе жатқанын неге жасырайын? Техникаларды жаңарту – бұл еңбек өнімділігін жоғарылату деп білемін. МТЗ-1221 тракторын 2012 жылы, МТЗ-82 тракторын 2014 жылы, КамАЗ көлігін 2016 жылы, «Есіл» комбайнын 2017 жылы, сондай-ақ, шөпті престейтін агрегатты лизингке алдық. Басқа да Т-40 және МТЗ-80 тракторлары бар. Лизингтің қаржысын өтеу де оңай шаруа емес. Сол үшін өзге де шаруашылықтарға қолұшын беріп тұрамыз. Жаңа техниканың аты жаңа ғой. Оларды күтіп жүргізетін, өз істеріне мығым механизаторлар бар, олар – Владимир Истомин, Нұрлан Жүндібаев, Геннадий Андреев, Бақтияр Түстікбаев, Руслан Кенжебековтер,-деп шаруа қожалығының қыр-сырын және жұмысшыларын таныстырды.

«Төрт түлік малын түлетіп, егістігін жайқалтып, шаруасын дөңгелеткен ауыл – қайнаған еңбектің және береке мен ырзықтың қайнар көзі» десек, еңбек еткен әрбір азамат өзінің өсіп-өніп шыққан ауылына игі қадамдар жасауды өзінің перзенттік парызы деп санайды. «Еңбек етсең ерінбей, тояды қарның тіленбей» деген мақал-мәтел тегін айтылмаған. Маңдай терін төгіп, алтын дәнді қамбаға құюдың қамымен жүрген еңбекшілер қауымының ел экономикасын өркендетуге қосар үлестері қашанда зор. «Нан болса, ән де болады» дегендей, ақ бидайға қамбамыз толы болсын, әніміз таусылмасын дейміз біз де.

Айнаш ҚАСЕНОВА.