мақсатымыз-салықтар түсімінің толықтығы

Дүйсенбі күнгі  аппарат жиналысында аудан әкімі Б.Алиев Кербұлақ  ауданы  бойынша  Мемлекеттік  кірістер  басқармасы қызметкерлерін  кәсіби мерекелерімен құттықтады. Ауданымыздың экономикасының өсіп дамуына мекемедегі  әр қызметкердің зор үлес қосып отырғандығын баса айтқан аудан әкімі мекеме қызметкерлерінің жұмыстарына табыстар тіледі.  Өз міндетін мінсіз атқарып, өзгелерге үлгі болып жүрген  мемлекеттік кірістер басқармасының   бірқатар қызметкерлері К.К., Абильдаев Ж.А Койайдарова., Т.  Талғат және А.Б Қуанышев облыстық басқарманың және аудан әкімінің марапатына ие болып, мерейлері үстем болды.

Басқарма басшысы –Болат Дүйсенбайұлы Байшығашев жұмыс кабинетінде

Салықтар барлық елдерде олардың қоғамдық экономикалық қозғалысы мен саяси іс бағытына қарамастан ұлттық мемлекет әдістерінің негізгі көзі – ұлттық табысты қайта бөлудің басты қаржылық инструменті, мемлекеттің кірістерін және бюджеттін әдістерін қалыптастырудың шешуші көзі болып табылады.Нарықтық қатынастарға көшумен байланысты біздің еліміздің экономикасында көптеген жаңа мәселелер мен қажеттіліктер пайда болды.Олар жаңа мамандар мен жаңа теориялық және тәжірибелік дисциплиналардың,соның ішінде салық салу жүйесін негіздеді.   Салық салу жүйесін жекелей алғанда,оны нарықтық қатынастардың жаңалықтарына жатқызуға болмайды,бірақ жаңалық болып тәуелсіз бақылаудың пайда болуы табылады.Ол қоғамдық тәжірибелік қажеттілікті жүзеге асыруды-пайдаланушылар қызығушылығындағы экономикалық субъектілер ісі жөніндегі қаржылық ақпараттардың нақтылығын растауды қамтамасыз   етті. Салықтар мемлекетпен бірге пайда болды және мемлекеттің өмір сүріп,дамуының негізі болып табылады. «Жақсы сөз-жарым ырыс»деген. Осы салық жұмысымен айналысатын, реттеп отыратын    ауданымыздың кірістер бөлімі туралы кейінгі кезде жақсы сөздер жиі айтылуда. Оның да себебі жоқ емес.Аудандық бюджеттің орындалуы жыл сайын өсіп келеді.  Ал былтыр аудан бюджетіне 1 340,1 млн.теңге көлемінде қаражат түсті. «Ән айтсаңда, жаныңды жеп айтасың»деген. Ендеше бұл көрсеткіш оңайлықпен келмегені , кіріс басқармасы қызметкерлерінің маңдай терімен келгені анық.. Кәсіби мерекелері қарсаңында кәсіби мерекелерімен құттықтау ниетімен  және аудан жұрты салық басқармасының жасап жатқан жұмыстары туралы жақынырақ таныссын деген оймен кірістер басқармасына бас сұққан болатынбыз..

Кербұлақ ауданы бойынша  мемлекеттік кірістер басқармасының басшысы Байшығашев Болат  Дүйсенбайұлы кірістер басқармасын  2011 жылдан бері басқарып келеді .

-Бұл мекеме 1991 жылдың 9 қыркүйегінде Қазақстан Республикасы  Қаржы Министрлігінің құрамында №520 Жарлық негізінде Кербұлақ ауданының салық инспекциясы болып құрылып, мекемені Сауранбеков Қожан Тұрарұлы 1995 жылға дейін басқарды. Сол жылы мекеме салық комитеті болып қайта құрылып, мекемені 1998 жылға дейін  Сүттіқожанов Батырхан Орынтайұлы басқарыпты. 1998-2007 жылға дейін салық комитетін Исабеков Бақберген Сексенбайұлы, 2007-2008 жылдары Абдымананов Арман Абдымаманұлы басқарды.  2008 жылы салық комитеті салық басқармасы болып өзгертіліп, сол жылдың шілдесінен 2010 жылдың қазан айына дейін салық басқармасының бастығы болып Тасқанбаев Серік Дүйсебайұлы қызмет атқарды. 2011 жылдың қазан айынан бүгінгі күнге дейін мен басқарып отырмын.Бүгінде мекеме  Кербұлақ ауданы бойынша мемлекеттік кірістер басқармасы болып өзгерген,- дейді Болат Дүйсебайұлы.

Ол 2002 жылы «Тұран» Университетінің «Экономика және менеджмент» факультетін, 2005 жылы Д.Қонаев атындағы Университетте оқып, «Заң» факультетін бітіріпті. 1988 жылдың наурыз айынан 2010 жылдың қазан айына дейін Қарасай ауданы бойынша салық басқармасында салық инспекторы, бөлім басшысы сияқты қызметтерді абыроймен атқарған, болашағынан көп үміт күттіретін білікті маман  2011 жылы Кербұлақ ауданына салық басқармасының бастығы болып тағайындалған еді.  (тағайындала ма?)

— Қазақстан Республикасының салық органдары өз құзыреті шегінде салықтардың және бюджетке төленетін басқа да міндетті төлемдердің түсуін қамтамасыз етуді жүзеге асыратын, сондай-ақ Қазақстан Республикасының заңнамасында көзделген өзге де өкілеттіктерді орындайтын мемлекеттік кіріс органдары (бұдан әрі — салық органдары) болып табылады.Бүгінде аудандық мемлекеттік кірістер басқармасында 14 адам қызмет етеді Олар Қазақстан Республикасының Кодексінің  (2017.11.05 берілген өзгерістер мен толықтырулаымен) 18-бабында көрсетілген Салық органдарының міндеттері бойынша жұмыс жасайды. Атап айтқанда:

1) салықтың және бюджетке төленетін басқа да міндетті төлемдердің түсу толықтығы мен уақтылығын қамтамасыз етедіі;

 2) бірыңғай жинақтаушы зейнетақы қорына міндетті зейнетақы жарналарын (бұдан әрі — міндетті зейнетақы жарналары) есептеудің, ұстап қалудың және аударудың, Мемлекеттік әлеуметтік сақтандыру қорына әлеуметтік аударымдарды (бұдан әрі — әлеуметтік аударымдар) есептеудің және төлеудің толықтығы мен уақтылылығын қамтамасыз етеді;

2-1) бірыңғай жинақтаушы зейнетақы қорына міндетті кәсіптік зейнетақы жарналарын (бұдан әрі — міндетті кәсіптік зейнетақы жарналары) есептеудің, ұстап қалудың және аударудың толықтығы мен уақтылылығын қамтамасыз етеді;

3) Қазақстан Республикасының салық саясатын іске асыруға қатысады;

4) өз құзыреті шегінде Қазақстан Республикасының экономикалық қауіпсіздігін қамтамасыз етеді;

5) Қазақстан Республикасы салық заңнамасының сақталуын қамтамасыз етеді.

.Басқармадағы 4 бөлімде «Есептеу, талдау және ақпараттық технологиялар» бөлімінде 2010 жылдан бастап бөлім басшысы   Қойайдарова Жанар Әділқызы, «Заңды тұлғаларды әкімшілендіру» бөлімінде 2011 жылдан бастап Санатбаева Ляззат Кабижанқызы бөлім басшысы болып жұмыс істейді. 2016 жылдан бастап «Құқықтық-ұйымдастыру жұмысы және мәжбүрлеп өндіріп алу» бөлімінің басшысы Әшім Ермек Еркінұлы. «Өндірістік емес түсімдер және жеке кәсіпкерлерді әкімшілендіру» бөлімінде 2017 жылдан бастап бөлім басшысы болып Иманғожанова Римма Байғалиқызы еңбек етуде. Д.Дасанаманов пен Н.Шотбай, К.Абильдаев пен Е.Смирнова, К.Төлеуғалиева және А.Қуанышев,О.Саткалиев. және Т.Талғат  басқарманың жұмысының жандануына, жұмысының тыңғылықты жүруіне өзіндік үлес қосып жүрген бас мамандар.   Салық және бюджетке төленетін басқа да міндетті төлемдердің түсуін талдау  және есебін жүргізу, салық және бюджетке түсетін төлемдердің түсуі туралы салық органының мәліметтерін қазынашылық басқармасымен салыстыру сияқты  қызметтерді жауапкершілікпен атқаратын да солар.

Өз ісіне жауапкершілікпен қарайтын олардың мекемедегі алар орны да ерекше екенін айта кеткен жөн.

 «Бірлік қайда барасың ынтымағы жарасқан елге барамын» деген ғой. Ауызбірлік, ынтымақтастықпен жұмыс жасаудамыз,- дейді басқарма басшысы Б.Байшығашев

Атқарылған жұмыс оның  нәтижесімен анықталатыны белгілі. Кербұлақ аудандық мемлекеттік кірістер бөлімінің де көрсеткіштері атқарылған жұмыстың шама-шарқын айтпай -ақ айқындап тұрғандай. Атап айтар болсақ, 2014 жылы бюджетке түскен түсім -1119,2 млн. теңгені құраса, бұл көрсеткіш 2013 жылға қарағанда 33 пайызға артқан. 2015 жылы бюджетке түскені 1244,3 млн. теңгеге жетіп,   2014 жылмен салыстырғанда 11 пайызға көтерілді. Былтыр аудан бюджетіне 1 340,1 млн.теңге көлемінде қаражат түсті. Яғни бұл көрсеткіш алдыңғы жылмен салыстырғанда 8 пайызға жоғары.Бұл көрсеткіштерге қол жеткізу барысында қызметке төселген, жылдар бойы осы мекемеде еңбек етіп келе жатқан , істеріне мығым, тәжірибелі мамандар  К.К Абильдаев., Л.К., Санатбаева Е.А., Смирнова Ж.А., Койайдарова Р.Б. Имангожанова және 10 жылдан аса уақыт қызмет көрсетіп келе жатқан қызметкерлер К.Р Атайбекова., Е.Е Ашим., Тулеугалиева К.Т., О.И.Саткалиев  сынды мамандарымыздың атқарған еңбектері ерекше. Мекемеде жас мамандардажеткілікті . Осы аты аталған тәжирибелі мамандар  тәлімгер ретінде   жас мамандарға  бекітіліпқойылған.Олар өз білгендерін жас мамандарға үйретуден жалыққан емес. Және айта кетерлік жайт мекеме қызметкерлері    салық төлеушілермен  ҚР Салық заңнамасының нормалары және  және көрсетілетін мемлекеттік қызметтердің  сапасы бойынша үнемі   семинар -кеңестер өткізіп, түсіндіру жұмыстарын жүргізіп отырады.Мекемеге келген барлық салық төлеушілермен   тығыз байланыста.  . Олардың сұрақтарына жауап беріп,қолдарынан келгенше көмектер беріп отырады ,- дейді басқарма басшысы.

Аз сөйлеп, көп іс тындыратын жандар болады.Б.Байшығашевты  сол кісілердің қатарына жатқызған біздер.  басшыға  және кірістер бөлімінің  барлық қызметкерлерін кәсіби  мерекелерімен құттықтап, толағай табыстар тіледік.

Л.Оңалбаева