Түсіндіру жұмыстары жүргізілді

Кербұлақ аудандық қоғамдық денсаулық сақтау басқармасының мамандарымен Президентіміз Н.Ә.Назарбаевтың халқына жолдаған Жолдауы бойынша Сарыөзек ауылы тұрғындарымен кездесу өткізілді. Жиынға «Нұр Отан» партиясының Кербұлақ аудандық филиалының бірінші орынбасары Ж.С.Бозымбеков және үкіметтік емес ұйым өкілдері қатысты.
Жиынды басқарма басшысының міндетін атқарушы Г.Мамельянова ашып, Елбасының жыл сайынғы жолданатын Жолдауына түсінік берді.
— Жыл сайын елімізде Қазақстан Республикасынның Президенті Н.Ә.Назарбаевтың кезекті жаңа жолдаулары жолданады. Халық болып қабыл аламыз. БАҚ беттері жарыса жазып, ол туралы түрлі түсіндірме сабақтарын жүргізеді, теледидардан тыңдадық, ұжым болып талқыладық. Бірақ жолдау деген не? Оның мақсаты қандай деген сұрақтарға толыққанды жауап алған емеспіз. Тек жолданған жолдауды талдаймыз. Әр елдің Президенті өзінің халқына жолдауды жыл сайын немесе араға жыл салып жолдайды. Жолдау бір тармақтан, не бір бағыттан ғана тұрмайды. Оның бағыты мен бағдары көп. Жолданған жолдауды талқылау арқылы халық арасында елдің сыртқы және ішкі саясаты туралы ақпарат беріледі. Экономикалық-саяси көзқарастар негізінде халық жаппай ел билігі мен елдің бүгінгі жетістіктерімен танысады. ТМД елдерінің ішінде Ресей мен Қазақстан жолдауды жыл сайын жолдап қана қоймай, халық арасында түсіндіру жұмыстарын жүргізеді. Жолдаудың жолдану мақсаты – елдің өткеніне сараптама жасап, бүгінгі жасалу керек істердің басын ашып, ертеңгі болашаққа жол ашу. Бір ұлт, бір тағдыр, бір мемлекет болғаннан кейін, ел ішіндегі әрбір халықтың жолдау негізінде жұмыс жасауы маңызды. Халыққа түсінікті тілмен жеткізген кезде жолдау — бұл халықпен сырласу, ақылдасу, халыққа жоспарды жеткізу деген сөз. Президент жолдауды көлемді әрі шағын түрде жолдайды. Дегенмен көлемді түрі көп қолданылады. Жолдаудың ең негізгі талабы – халықпен байланыс орнату болып табылады,- деп сөзін аяқтады.
Сонымен қатар, жиында «Нұр Отан» партиясының Кербұлақ аудандық филиалының бірінші орынбасары Ж.Бозымбеков биылғы жылғы стратегиялық құжаттың мемлекеттің өркендеуіне негіз қалайтынын айта келе, Елбасының «Қазақстанның үшінші жаңғыруы: жаһандық бәсекеге қабілеттілік» атты Жолдауында жаңару мен жаңғырудың даңғыл жолына түскен Қазақстан ширек ғасырдың ішінде бүкіл әлемге қуатты, дамыған, ынтымағы жарасып, ырысы артқан мемлекет ретінде танылғандығын, ендігі кезекте әрбір қазақстандық осы береке-бірлік пен саяси тұрақтылықты одан әрі нығайтып, еліміздің іргесін бекіте түсуі қажет екендігін айтып өтті.
Г.Мамельянова биылғы Елбасының Жолдауы еліміздің өркендеп өсуіне бастар қадам деп санайтынын барша қатысушыларға жан-жақты түсіндіріп өтті. Жолдауға байланысты мамандардың тұрғындармен көбірек кеңесіп, нақты ұсыныстарды ала білуі де маңызды екендігін атап өтті.
Кездесуге қатысушылар талқыланған мәселелердің өзектілігін атап өтіп, олар бойынша туындайтын сұрақтарды талқылап, өз пікірлерімен алмасты.

М.КЕНЖЕБЕКОВА,
аудандық қоғамдық денсаулық
сақтау басқармасының
бас маманы.