Басты бет Бас мақала Белсенді жастарға аталық батасын берді
25.12.2020

Белсенді жастарға аталық батасын берді

Желтоқсан айының 11 жұлдызынан бастап әр үміткер бекітілген желілік кестесіне сәйкес үгіт-насихат жұмысын жүргізуде. Бүгін Парламент мәжіліс депутаттығына кандидат, «Жетісу» газетінің тілшісі Мақпал Мазаққызы желілік кесте бойынша Кербұлақ ауданының орталығы Сарыөзек ауылына келді. Мұнда ол соңынан ерген жастармен Алматы облысының және Кербұлақ ауданының Құрметті азаматы, аудандық Ардагерлер кеңесінің төрағасы, ақылман қария Сарыбаев Төленді Оспанбайұлының үйіне ат басын бұрды. 

 

«Nur Otan» партиясы аудандық сайлауалды штаб төрағасының орынбасары Борманбеков Қуаныш Жарманбекұлы ардагер ақсақалға келген қонақтарды таныстырды. 

Жылы шыраймен қарсы алған ауданымыздың беделді қариясы өзінің өмір өткелдерінен сыр шертіп, көрген-білгенін әңгімелеп берді. Жылы жүздесуде Мақпал Мазаққызы өзінің Парламент мәжілісі депутаттығына кандидат екенін айтып, «Nur Otan» партиясының сайлауалды бағдарламасымен таныстырды. 

 

Төленді Оспанбайұлы Мақпал  Мазаққызы және Ділдаш Құрышбаева сынды белсенді жастарымыздың көп болуын, патриот азаматтарымыз әрқашан еліміздің өсіп-өркендеуіне белсене атсалысу керектігін, болашақ – жастардың қолында екенін, алдыңғы толқын ағалардың кейінгі толқын-жастарға зор үміт артатынын тілге тиек ете келіп, аталық батасын берді.  

Қарияның әңгімесіне қаныққан жастар ризашылықтарын білдіріп, естелікке суретке түсті. 

 

Айнаш МӘМІЛЕНҚЫЗЫ

 

«NUR OTAN» ПАРТИЯСЫ АЛМАТЫ ОБЛЫСЫ КЕРБҰЛАҚ АУДАНДЫҚ

ФИЛИАЛЫНЫҢ САЙЛАУ ҚОРЫНАН ТӨЛЕНДІ

 

Парламент мәжіліс депутаттығына кандидат біздің ауданда

2021 жылдың 10-қаңтарында мәжіліс депутаттарына және барлық деңгейдегі мәслихат депутаттарының сайлауы өтеді. Осыған орай, 2020 жылдың желтоқсан айының 11 жұлдызынан бастап әр үміткер бекітілген желілік кестесіне сәйкес «Nur Otan» партиясының үгіт-насихат жұмысын жүргізуде. Бүгін Парламент Мәжілісі депутаттығына кандидат, «Жетісу» газетінің Қапшағай қаласы және Іле ауданы бойынша меншікті тілшісі Тәжмағамбетова Мақпал Мазаққызы желілік кесте бойынша Кербұлақ ауданының орталығы Сарыөзек ауылына келді. Аудандық  кітапхананың оқырмандар залында карантинтік шара талаптарына сәйкес кездесу өтті. Оған «Nur Otan» партиясының сайлауалды штабының мүшелері және ауыл жастары қатысты.

 

Кездесуде «Nur Otan» партиясы аудандық сайлауалды штаб төрағасының орынбасары Борманбеков Қуаныш Жарманбекұлы Парламент Мәжілісі депутаттығына кандидат Мақпал Мазаққызын көпшілікке таныстырып, сөз кезегін берді. 

— Қайырлы күн баршамызға. Желілік кестеге сәйкес сіздердің ауданға келіп қалдық. «Өзгерістер жолы: әрбір азаматқа лайықты өмір» атты республикамызда алдыңғы бесжылдық жоспарды бағдарлаған сайлауалды бағдарлама ресми жарияланған болатын. Соған сәйкес Алматы облыстық өзіміздің Жетісудың бесжылдық жоспары да жарияланды. Бәріміз оны оқыдық. Соған сәйкес он жеті аудан, үш қаланың да сайлауалды бағдарламалары бекітіліп, жарияланды. Әр ауданның тұрғындары өздерінің сол бағдарламасын жастар әсіресе, біледі деп ойлаймын. Алдағы қазақ елінің бесжылдық өмірін, мақсат-мүддесін айқындап беретін сындарлы уақыт болайын деп тұр. Бұл сайлау бұрынғы сайлаулардан ерекше болады деп ойлаймын, жалпы тәжірибеден өздеріңіз білетіндей. Мен журналистика саласында еңбек етемін. Өзім ақынмын. 2018 жылы «Жүз жаңа есім» жобасының иегерімін. Жалпы  руханиятта, әдебиетте жүргеннен кейін осы бір үлкен саяси қадамға барып жатырмын. Мұның өзі қоғам мен биліктің арасын жалғастыратын алтын көпір болатын жастардың, еліміздің алдағы үлкен тарихи даму жолына үлес қоссақ  деген ниетпен бастаған қадамым деп түсініңіздер. Енді менің келіп отырғандағы жүздесуім, бұл — жай ғана ресми ақпараттарды тағы бір талқылап айтып шығатын уақыт деп ойламаймын. Еркін форматта өткізейік. Ой, ұсыныс-тілектеріңіз болса, айта отырыңыздар. Жалпы ауданның дамуына, облыстың болсын, көкейтесті мәселелеріңіз, тілектеріңіз болса, айтыңыздар, сұрақтарыңызды талқылайық. Күнде жолымыз бұл ауданға түсе бермейді. Сіздерді еркін әңгімеге шақырамын. Мен осымен алтыншы ауданға бардым, алдағы жүздесулерде көптеген жерлерге барамын. Күні кеше ғана біз Талдықорғанға, Көксу ауданына барып, «Есіктен есікке» атты акцияны өткізіп қайттық. Өңірлерге барғандағы нақты мақсатымыз – сол. Сайлауалды бағдарламаны телеарналардан көріп, газет-журналдардан оқып жатырсыздар. Менің тарапымнан жалпы негізгі ұстанымым – мәдениет, ел болудың, ел басқарудың мәдениетін игерсек, біз сол ойдағы мақсаттарымызға жетеміз деп ойлаймын. Бұл заманда таласып, тартысып жатудың қажеті шамалы немесе ұрандап, сынап жатудың, жүре тыңдайтын заман емес, ұсақ-түйек деп қарауға болмайды. Алдымызда шынымен де шешілетін түйткілді мәселелер көп. Елдің нығаюына, жаңа қадамға бастап жатырмыз. Сондықтан жастардың ойлары, ұсыныс-тілектері өте маңызды. Менің жеке сайлауалды бағдарламам – жастарды көтеру, әсіресе, ауылдағы жастардың әлеуетін көтеру. Ауылға жастардың мейлінше тұрақтап қалуына жағдай жасау,-деді. 

Кербұлақ ауданының Құрметті азаматы, самбодан бес дүркін Азия чемпионы, Азия ойындарының жеңімпазы, Әлем чемпионатының күміс жүлдегері, облыстық мәслихат депутаттығына кандидат Ділдаш Құрышбаеваның: «Жастардың әлеуетін көтерем деп жатырсыз. Сонда қандай жолдармен көтермекшісіз?» деген сұрағына, «Менің сайлауалды бағдарламамда көрсетілген. Бірінші мектептен басталады. Мектептегі білім беру жүйесінде көбінесе гуманитарлық пәндерді оқытамыз да, ғылыми, техника саласы қалып қояды. Одан кейін білім саласында еңбекке көп көңіл бөлсек, еңбек олимпиадалары өткізілсе, еңбекке көбірек баулысақ, туризмді дамытсақ, этнолагерьлер таулы аймақтарда ашылса, ата кәсіпті үйренсе» деп жауап берді.

Аудандық Ә.Сарыбаев атындағы Мәдениет үйінің әншісі, аудандық мәслихат депутаттығына кандидат Азамат Үмбетов: «Жастар бас қосатын Жастар үйі болса дейміз және жастарға арналған жеке кітапхана болса» деген ұсынысын айтса, аудандық Ә.Сарыбаев атындағы Мәдениет үйінің өнерпазы Оралбек Тұрысбеков: «Біз сияқты жаңа үйленген, жас отбасы көбіне үйсіз-күйсіз, жалдамалы пәтерлерде тұрады. Жастарға жағдай жасала бермейді. Баспана алдымен тұрғын үйдің ұзынсонар кезегінде тұрған әлеуметтік жағдайы төмен және көпбалалы отбасылар, интернационалист-жауынгерлер, ауған соғысына қатысқан жандарға беріледі. Біздер қалай тұрғын үйге қол жеткізе аламыз?» десе, аудандық Мәдениет үйінің бишісі Гауһар Болатбекова: «Дипломмен — ауылға!» бағдарламасымен үш миллиондай теңге беріледі. Ол сомаға Сарыөзек ауылынан ескі екі ауыз үй ала аламыз. Жақсырақ үй алу үшін үстіне ақша қосу керек болады. Жастарға жағдай жасалмаған соң, білікті мамандардың ауылға бет бұруы да қиын» деп, өз ойларын жасырмады. 

Ділдаш Құрышбаева: «Махаббат Сәдуақасұлы аудан әкімі болған екі жарым жыл уақытта  көптеген жұмыстар атқарылды. Әр ауылға кіреберіс тас жолдар жасалып, көптеген ауыл ауызсумен қамтылды. Енді міне, ауылымызға газ жүйесі тартылуда. Ол кісінің ауданымыз үшін сіңірген еңбегі зор екенін айтуға болады. Осылай жайменен ауданымыздың жастарының да күйлері жақсарады деген сенімдемін» деп ауданда атқарылған біраз жұмыстарға тоқталды. 

Аудан тұрғыны, аудандық кітапхананың кітапханашысы Тоқтасын Трапова Мақпал қызымыздың еңбегі жанып, биіктерден көрінуіне, ауыл жастарының әлеуетін, жағдайын көтеруге және еліміздің бай-қуатты ғұмыр кешуіне бар күш-жігерін жұмсайтын қазақтың бір абыройлы қызы болуына тілектестігін білдіріп, аналық алғысын айтты.

Мақпал Мазаққызы: «Қазақстан – біздің ортақ шаңырағымыз. Бірге жұмыс жасайық. Әлеуметтік парақшама хабарласып тұрыңыздар. Ата-бабамыздың бізге аманаттап кеткен жерімізді қорғап, одан әрі гүлдендірейік. Еліміз аман, бауырымыз бүтін болсын» деп кездесуге қатысушыларға алғысын айтты.

 

Бұдан соң Қуаныш Жарманбекұлы үміткер қызымызға ақ жол тілеп, дүбірлі додада жеңіп шығуына, Тәуелсіз Қазақстанның      арайлап атқан әр таңы Мақпал сынды белсенді де беделді жастарымызға сәттілік пен жеңісті бұйыртуына,  аңсаған арманына жетуіне, еліміздің гүлденуіне атсалысуына тілектестігін жеткізіп, жастарға ризашылығын айтып, отырысты қорытындылады. 

Әріптестері ретінде біз де, аудандық «Кербұлақ жұлдызы» газетінің ұжымы Мақпал сіңлімізге зор жетістік, шығармашылық табыс, баянды бақыт тілейміз. Биіктен көрініп, ел игілігі үшін еңбек етуіне шын жүректен тілектеспіз!

 

Айнаш Қасенова

«NUR OTAN» ПАРТИЯСЫ АЛМАТЫ ОБЛЫСЫ КЕРБҰЛАҚ АУДАНДЫҚ

ФИЛИАЛЫНЫҢ САЙЛАУ ҚОРЫНАН ТӨЛЕНДІ

 

«Nur Otan» партиясының сайлауалды бағдарламасы жете түсіндірілді

Бүгін Сарыөзек ауылдық округінің әкімшілік ғимаратында аудандық мәслихат депутаттығына кандидат — Қыстаубаева Кәмшат Болатқанқызы және Ахметбекова Зәуре Қабижанқызы ауыл тұрғындарымен кездесу өткізді.  

«Nur Otan» партиясының сайлауалды жергілікті   жерлердегі өткір проблемаларды ашық көтеріп, кемшіліктерді анықтап, нақты шешімдер ұсынуы тиіс екенін баса айтты. «Nur Otan» партиясы экономиканы дамытудың тұрақтылығын қамтамасыз ету үшін, жұмыспен қамту және жаңа жұмыс орындарын құру, біздің ауданда өмір сүруді қауіпсіз әрі жайлы ету үшін бар күш-жігерін салады. Бүгінгі таңда баршамыздың көңілімізден шығып, халықтың игілігіне қызмет етіп отырған «Nur Otan» партиясының атынан  өз ауданымның халқына қызмет ету — мен үшін үлкен абырой. Маған артылған сенім, үлкен жауапкершілікті, іскерлікті қажет ететінін терең түсінемін. Қоғамдық жұмыстарға әрдайым дайын болып, халық мүддесін қорғауға үнемі үлесімді қосамын деп айта аламын» деген аудандық мәслихат депутаттығына кандидат Кәмшат Болатқанқызы одан әрі: «Білім сапасын арттыруға және материалдық-техникалық базаны нығайтуға баса назар аударылатын болады. Бұл үшін «Nur Otan» партиясы заманауи технологияларды енгізу; жаңа талаптарды ескере отырып, оқытушыларды даярлау; 3 жастан 6 жасқа дейінгі балаларды мектепке дейінгі тәрбиемен және оқытумен 100 пайыз қамтуды қамтамасыз ету; жоғары және бірінші санаттағы оқытушылар құрамының үлесін 56 пайызға дейін арттыру, оның ішінде өңірге жаңа кадрларды тарту; 5 білім беру объектісінің құрылысы, оның ішінде: 2025 жылға қарай Сарыөзек аулындағы мектептерді күрделі жөндеуден өткізу, аудан мектептерінің 75 пайызына дейін химия, биология, жаңа буын физикасы және ақпараттық технологиялар кабинетімен жабдықтау, жыл сайын 90 компьютер сатып алу, нәтижесінде бір компьютерге 6-дан 3 оқушыға дейін жүктеме төмендейді. ҰБТ-да 100-ден жоғары балл жинаған мектеп түлектерінің үлесі 26 пайыздан 37 пайызға дейін артады» деп, сапалы білім беруге айрықша тоқталды.

Бұдан соң аудандық мәслихат депутаттығына кандидат Ахметбекова Зәуре Қабижанқызы «Nur Otan» партиясы аудандық филиалының сайлауалды бағдарламасымен таныстырды. Ол өз сөзінде таза ауыз сумен және орталықтандырылған газбен қамтамасыз ету, карантиндік шаралардың енгізілуіне  орай, халықты әлеуметтік қолдау туралы және дамудың жеті басымдығы бойынша жеке-жеке тоқталып, сол бойынша атқарылатын шаруаларды тілге тиек етіп, көпшілікке «Nur Otan» партиясының сайлауалды бағдарламасын жете түсіндіріп берді.

Аудандық кітапхананың кітапханашысы Алтыншаш Мұйтынова аталмыш партияны көптің қолдайтынын және оған сенетінін айтып, кандидаттарға сәттілік тіледі.

Айнаш ҚАСЕНОВА

«NUR OTAN» ПАРТИЯСЫ АЛМАТЫ ОБЛЫСЫ КЕРБҰЛАҚ АУДАНДЫҚ

ФИЛИАЛЫНЫҢ САЙЛАУ ҚОРЫНАН ТӨЛЕНДІ

Бірлік бар жерде тірлік бар

2021 жылдың 10-қаңтарында мәжіліс депутаттарына және барлық деңгейдегі мәслихат депутаттарының сайлауы өтетіні мәлім. Осыған орай, 2020 жылдың желтоқсан айының 11-жұлдызынан бастап әр үміткер бекітілген желілік кестесіне сәйкес «Nur Otan» партиясының үгіт-насихат жұмысын жүргізуде. Бүгін «Қазпошта» акционерлік қоғамы Алматы облыстық филиалы Кербұлақ аудандық пошта байланыс торабының бастығы, аудандық мәслихат депутаттығына кандидат Ахметбекова Зәуре Қабижанқызы «Есіктен есікке» жобасы бойынша Сарыөзек ауылының бірқатар тұрғындарының үйіне барып, «Nur Otan» партиясы Кербұлақ аудандық филиалының сайлауалды бағдарламасын түсіндіріп, үгіт-насихат жұмысын жүргізді.

Зейнеткер, көпбалалы аналар – Карибаева Меруерт Сапарқызы, Керимкулова Гүлшара және зейнеткер Малкова Нина Николаевналармен жүздесті. Қазақстанның басты жеті жетістігін, ауданымызда осы жылдар аралығында атқарылған шаруаларды атап, аталмыш партияның көмекті қажет ететін азаматтар келгенде, әрқашан да қолұшын беретінін, көпбалалы аналарға, жастарға, мүмкіндігі шектеулі азаматтарға әлеуметтік көмек, «Біз біргеміз!» акциясы аясында ауқымды шаралардың атқарылғанын, көптеген азаматтарға қаржылық және материалдық көмек берілгенін тілге тиек етті. 

Сондай-ақ, Сарыөзек ауылының тұрғындары – Ержан Жетібаев пен Еркін Қаратаевтарға «Nur Otan» партиясының жеткен жетістіктерін атап беріп, қашанда бұл партия халықпен бірге екенін, әрдайым қиналғандарға қолұшын созатынын айтып, партияның сайлауалды бағдарламасымен таныстырды. Үгіт-насихат парағын ұсынып, 10-қаңтар күні сайлау учаскесіне келіп, аталмыш партияға дауыс беруге шақырды.

Бұдан соң «Қазпошта» акционерлік қоғамы Алматы облыстық филиалы Кербұлақ аудандық пошта байланыс торабының тұтынушыларымен жүздесіп, олардың хал-ахуалын, пошта қызметкерлерінің қызмет көрсетуін қаншалықты бағалайтындарын сұрады. Күннен күнге еліміздің жағдайының жақсарып, экономикамыздың өсіп келе жатқанын, зейнетақы мен жәрдемақыны уақытылы алып отырғандары үшін ризашылықтарын білдірген тұрғындарға  «Nur Otan» партиясының халықпен бірге жасайтынын, ел игілігі үшін қызмет етіп келе жатқан партиялардың бірегейі екенін тілге тиек етіп, партияның сайлауалды бағдарламасымен таныстырды. Олар да әрбір адамның сайлауда дауыс беруінің маңызды екенін айтып, «Бірлік бар жерде тірлік бар» дегендей, бір жеңнен қол, бір жағадан бас шығаратындарын айтып, осы партияға біркісідей жұмыла дауыс беретіндеріне сенім білдірді.

 

Айнаш МӘМІЛЕНҚЫЗЫ\

«NUR OTAN» ПАРТИЯСЫ АЛМАТЫ ОБЛЫСЫ КЕРБҰЛАҚ АУДАНДЫҚ

ФИЛИАЛЫНЫҢ САЙЛАУ ҚОРЫНАН ТӨЛЕНДІ

 

Тұрғындармен кездесті

 

Бүгін аудандық мәслихат депутаттығына кандидаттар — Илиясова Әсем Нұрмұхамбетқызы мен Жакупова Альфия Бауыржанқызы Сарыөзек ауылының бірқатар тұрғындарының үйіне барып, «Nur Otan» партиясы Кербұлақ аудандық филиалының сайлауалды бағдарламасын таныстырды. Ауыл тұрғындарын атап айтар болсақ, 1942 жылы туылған, Алтын алқа иегері, теміржол зейнеткері Тастанбекова Шайбала Мәкежанқызы, 1936 жылы туылған, тыл қызметкері Улубаев Хамит Атыбайұлы, ауған соғысының ардагері, «Қызыл жұлдыз» орденінің иегері Тоқбосынов Ермек Орынбекұлы және құрылысшы, көпбалалы ана Жәмилә Құнанбаева.

Әсем Нұрмұхамбетқызы халықты әлеуметтік қолдау бойынша пандемияның орын алуына байланысты мәжбүрлі демалыстағы қызметкерлерге 42,500 теңге берілгенін, халықтың әлеуметтік аз қамтылған топтарынан 3028 адамның 28 млн 503 мың теңге азық-түлік және тұрмыстық жиынтығына төлем алғанын, 392 аз қамтылған отбасыларға атаулы әлеуметтік көмектің көрсетілгенін, 1-6 жас аралығындағы 375 балаға кепілдендірілген әлеуметтік пакеттер берілгенін, 2360 адамның коммуналдық шығындарының өтелгенін, «Біз біргеміз» акциясы аясында «Nur Otan» партиясының мүшелері мен еріктілер 702 отбасына азық-түлік себеттерін жеткізгенін, 935 адамға 50 мың теңгеден көмек берілгенін айтып, аталмыш партияның қашанда халыққа қолұшын созатынын, ел қамын ойлайтын партия екенін тілге тиек етіп, Кербұлақ ауданы тұрғындарының жиырма жылда жеткен жетістіктерін айтты.  

Альфия Бауыржанқызы «Nur Otan» партиясы отбасы институтын нығайту, олардың материалдық тұрақтылығын қамтамасыз  ету,  тұрғын үй алуға мүмкіндіктер жасау бойынша шаралар кешенін қолдану қажет деп санайтынын, ауданымызда тұрғын үй кезегінде 917 отбасы, оның ішінде 3012 адамның барын айта келе, Сарыөзек ауылында екі көпқабатты 100 пәтер және жүз тұрғын үйдің құрылысын салу бойынша төрт жобаның іске асырылатынын, оның ішінде 2021 жылы Сарыөзек ауылындағы 40 пәтерлік бес қабатты тұрғын үйдің және 50 тұрғын үйдің құрылысы, 2022 жылы Сарыөзек аулында 50 тұрғын үйдің құрылысы, 2023 жылы Сарыөзек ауылындағы 60 пәтерлі бес қабатты тұрғын үйдің құрылысы салынып, 2025 жылға дейін 200 отбасының тұрғын үймен қамтамасыз етуге мүмкіндік берілетінін айтып, сайлауалды бағдарламаны егжей-тегжейлі түсіндірді.

Кездесуде тұрғындар тарапынан «Газ қашан қосылады?», «Аудандағы кандидаттардың құрамында кімдер бар?», «Сайлауға қанша партия қатысатын болады?» деген сұрақтар қойылып, кандидаттар тұшымды жауаптарын берді.

 

Айнаш ҚАСЕНОВА

«NUR OTAN» ПАРТИЯСЫ АЛМАТЫ ОБЛЫСЫ КЕРБҰЛАҚ АУДАНДЫҚ

ФИЛИАЛЫНЫҢ САЙЛАУ ҚОРЫНАН ТӨЛЕНДІ

 

Бірлік болмай – тірлік болмас

Кербұлақ ауданының Ә.Сарыбаев атындағы Мәдениет үйінде Сарыөзек ауылының тұрғындарымен кездесу өткіздім. Онда «Nur Otan» партиясы Кербұлақ аудандық филиалының  алдағы бесжылдыққа арнаған сайлауалды бағдарламасымен таныстырдым. Тұрғындармен аудандағы кейбір түйткілді мәселелер төңірегінде пікір алмастық.  

«Nur Otan» партиясы экономиканы дамытудың тұрақтылығын қамтамасыз ету үшін, жұмыспен қамту және жаңа жұмыс орындарын құру, біздің ауданда өмір сүруді қауіпсіз әрі жайлы ету үшін бар күш-жігерін салатынын, бүгінгі таңда баршамыздың көңілімізден шығып, халықтың игілігіне қызмет етіп отырған «Nur Otan» партиясының атынан  өз ауданымның халқына қызмет ету — мен үшін үлкен абырой екенін, бұл партия біздің азаматтарымыздың өмір сапасын жан-жақты жақсартуды, барлығының таза суға және сапалы жолдарға қол жетімділігін жақтайтынын, жол-көлік инфрақұрылымын, тұрғын-үй коммуналдық шаруашылығын жаңғыртуға, сондай-ақ, салауатты экологиялық жағдайды сақтауға бағытталған «Жұмыспен қамтудың жол картасы» және «Ауыл – ел бесігі» жобаларын іске асыруға өз үлесін қосатынын, «Nur Otan» партиясының мақсаты – автомобиль жолдарының сапасын арттыру және 2025 жылға қарайжақсы және қанағаттанарлық жағдайдағы жергілікті маңызы бар жолдардың үлесін 95 пайызға дейін жеткізу екенін, осы мақсатта партия алдағы бесжылдықта он ауылдың, оның ішінде, Бостан, Коноваловка, Дос бекеті,  Тастыөзек, Күреңбел, Доланалы, Ақбастау, Қарашоқы, Арқарлы және Басши ауылдарындағы ішкі көше жолдарының 29 шақырымын орташа жөндеуден өткізетінін, сондай-ақ, таза ауыз сумен және орталықтандырылған газбен қамтамасыз етілетінін түсіндірдім. 

«Бірлік болмай – тірлік болмас» дегендей, бірауыздан «Nur Otan» партиясына дауыс беруге шақырдым. Тұрғындардан қойылған сұрақтарға түгелдей тұшымды жауап беруге тырыстым.

 

Ділдаш ҚҰРЫШБАЕВА,

ауданның Құрметті азаматы

«NUR OTAN» ПАРТИЯСЫ АЛМАТЫ ОБЛЫСЫ КЕРБҰЛАҚ АУДАНДЫҚ

ФИЛИАЛЫНЫҢ САЙЛАУ ҚОРЫНАН ТӨЛЕНДІ

 

«Nur Otan» халықпен бірге

Еліміз егемендігін алып, дербес мемлекет ретінде танылғанына биыл 29 жыл толды. Осы уақыт ішінде ел экономикасын нығайтып, халықтың әл-ауқатын көтеріп, Тәуелсіздіктің қадірін, оның тәтті дәмін әрбір қазақстандыққа татқызу жолында қыруар еңбек атқарылды. Ел қамы үшін жасалып жатқан осындай жұмыстардың жиырма жылдан астам уақытында еліміздегі жетекші партия — «Nur Otan» халықпен бірге болды.

 

Партияның  ауыз толтырып айтарлықтай атқарған істері көз алдымызда. Ана тіліміздің мәртебесін көтеруде, ұлттық құндылықтарымызды қастерлеуде, салт-дәстүрімізді жаңғыртып, өзіндік болмысымызбен әлемдік аренаға есігімізді айқара ашуда жол сілтеуші, бастамашы болды. Ішкі-сыртқы саясат, әлеуметтік-экономикалық жағдайдың бірнеше есе көтерілуі, өнеркәсіп, ауыл шаруашылығы, құрылыс, кәсіпкерлік, білім, денсаулық, мәдениет саласы, ел болашағы жастар саясаты, міне, осы бағытта атқарылған жұмыстың барлығының басында  «Nur Otan»   тұрды. Өңірлерді дамытуға да баса мән берілді. Еліміздің әр түкпіріндегі кезінде болашағы жоқ деп танылған шағын ауылдардың келбетіне қан жүгіріп, қайта жаңғырды. Білім ошақтарының, дәрігерлік емханалардың әр шағын ауылда да болуы қамтамасыз етілді. Мұның барлығы әрбір қазақстандықтың жайлы, лайықты өмір сүруін қамтамасыз ету мақсатында партияның қолдауымен іске асып жатқан шаруалар.

«Nur Otan»  партиясы өзінің сайлауалды бағдарламасында өңірлерді дамытудың негізгі 7 басым бағытын айқындап алды. Олар: экономикалық тұрақты аймақ, қолайлы аймақ, әлеуметтік-бағдарланған аймақ, жастарға арналған аймақ, тарихы мен мәдениеті бай аймақ, ашық және есеп беретін жергілікті органдар және қауіпсіз аймақ. Міне, осы басым бағыттарды жүзеге асыру арқылы халықтың өмір сүру сапасын жақсартып, әл-ауқатын көтеру — партияның басты нысанасы. 

Партияның бағдары экономиканың басты салалары өнеркәсіп, агроөнеркәсіп кешені, құрылыс пен туризмді дамыту. Алматы облысы транзиттік және туристік әлеуеті жоғары өңір болғандықтан, Covid-19 пандемиясы жағдайында өнеркәсіптік және аграрлық секторлар тұрақты жұмыстарын жалғастырды. Соның арқасында өңірде экономиканың шығындары мен жұмысшылардың жұмыстан шығуына жол берілмеді. Өңірдегі мал және өсімдік шаруашылығында, өнімді қайта өңдеуде жаңа технологияларды енгізу бойынша жұмыстар жалғастырылады.  Облыста азық-түлік қауіпсіздігін қамтамасыз ету үшін арнайы жобалар әзірленіп, жұмыс жасайтын болады. 

Пандемияға байланысты туризм саласы зардап шеккені рас. Десе де, ішкі туризмнің дамуына мүмкіндік туды. Шағын және орта бизнесті дамыту өңір экономикасын көтеруде маңызды рөл атқарады. Бұл бағытта да алға жылжу басым. Облыс кәсіпкерлік қызметті дамыту жағынан үздік өңірлер үштігіне енді. 

Алдағы уақытта жол сапасын жақсарту, ауызсумен және орталықтандырылған газбен  қамту мәселелері де тиімді жолға қойылып, тұрғын үймен қамтамасыз етуде барынша жылдам әреткет жасауға күш салынатын болады. Сонымен қатар, «Nur Otan» партиясы елімізде медицинаның жоғары стандарттарға сай болуын, білім деңгейінің жоғарылауын қамтамасыз етуді, спорт, мәдениет салаларында толымды істердің жүргізілуін әркез қолдайды. Бұл бағыттарда өңірдің барлық жерлерінде ауқымды істер қолға алынатын болады.

Елбасының «Болашаққа бағдар: рухани жаңғыру» және «Ұлы даланың жеті қыры» бағдарламалық мақалаларын іске асыру жұмыстары жалғастырылады. Жергілікті атқарушы органдар мен қоғамның өзара қарым-қатынасының  жаңаша сипатын қалыптастыруда ашықтық, есептілік және сыбайлас жемқорлыққа қарсы іс-қимылдың күшейтілуі барынша назарда ұсталады. Біздің партия алдағы уақытта ел үмітін ақтау үшін барлық қажетті шараларды қабылдайды және халық пен билікті байланыстыратын алтын көпір болады. Яғни, «Nur Otan»   халық алдында өз сенім, абыройын дәлелдеген, әрдайым ақиқатты ардақ тұтатын саяси ұйым болып қала береді.

 

Альфия ДЖАКУПОВА,

Күреңбел қазақ орта

 мектебінің оқу-тәрбие

 ісі жөніндегі орынбасары

«NUR OTAN» ПАРТИЯСЫ АЛМАТЫ ОБЛЫСЫ КЕРБҰЛАҚ АУДАНДЫҚ

ФИЛИАЛЫНЫҢ САЙЛАУ ҚОРЫНАН ТӨЛЕНДІ

 

Добавить комментарий

Ваш адрес email не будет опубликован. Обязательные поля помечены *

Этот сайт использует Akismet для борьбы со спамом. Узнайте, как обрабатываются ваши данные комментариев.

Оқи отырыңыз

Әдеп — мінсіз қызмет кепілі

  Мемлекеттің мүддесі үшін еңбек ететіндерге қойылар талап қашанда жоғары. Өйткені, о…